საახალწლო საჩუქრები ძალიან მნიშვნელოვან როლს თამაშობს - მისი დახმარებით შეგიძლიათ მადლიერება გამოხატოთ ახლობელი ადამიანების, საყვარელი მასწავლებლების, ან მადლიერი ექიმების მიმართ, თუმცა, სულ სხვაა საახალწლო საჩუქრის არჩევა ქმრისთვის, ამ შემთხვევაში განსაკუთრებული ფიქრი და ზრუნვა გმართებთ.

საჩუქარი გამოხატავს პატივისცემას მეუღლის მიმართ და მას მაშინ აქვს ფასი, როცა გულწრფელია. თუმცა, მამაკაცისთვის საჩუქრის შერჩევა არც ისე მარტივია, აქ დაფიქრება და სწორი არჩევანის გაკეთება გმართებთ.
TREND გირჩევთ, რა საჩუქრები არ უნდა მიართვათ მეუღლეს საახალწლოდ.

არასასურველი საჩუქრები

თუ იცით, რომ თქვენს ქმარს არ უყვარს თევზაობა, მაშინ ნუ უყიდით მას სათევზაო ჯოხს და სატყუარას. ეს პრინციპი აუცილებლად უნდა დაიცვათ საჩუქრის არჩევისას, რათა მომავალში იმედგაცრუებული არ დარჩეს არც ის და არც თქვენ შეგექმნათ უხერხულობა. ჯერ ერთი, ასეთი სიურპრიზის გამო თქვენი მეუღლე განაწყენდება და მეორეც, მისი ემოციები თქვენც შეგაწუხებთ.

ფიტნეს კლუბის აბონიმენტი

ვარჯიშის განრიგი და ფიტნეს კლუბში სიარული არის წმინდა პირადი საქმე. ნაკლებად სავარაუდოა, რომ ასეთი საჩუქრით ასიამოვნოთ პარტნიორს, თუ წინასწარ არ განიხილავთ ამ საკითხს. მსგავსი საჩუქარი მხოლოდ მაშინ არის მისაღები, თუ ამას მამაკაცი თავად ითხოვს.

ალკოჰოლური სასმელი

ახალი წლის ღამე უკვე ნიშნავს დღესასწაულს და სუფრაზე ძვირადღირებულ ალკოჰოლურ სასმელებს. კარგი დაძველებული კონიაკის ბოთლიც კი სადღესასწაულო უქმეებზე შეუმჩნევლად დაილევა და საჩუქრისგან აღარაფერი დარჩება... კარგად დაფიქრდით, სანამ ალკოჰოლურ სასმელს მიართმევთ საყვარელ მამაკაცს, ეს არის ის, რაც ნამდვილად გსურთ რომ მიართვათ საყვარელ მამაკაცს?

ნაქსოვი სვიტერი

ხის ქვეშ ირმებიანი სვიტერის დადება სასიამოვნო ჟესტია საახალწლო რომანტიკულ კომედიებში, მაგრამ რეალურ ცხოვრებაში ასეთი სიურპრიზი არც ისე სასიამოვნოა. აქ საქმე მხოლოდ თავად სვიტერში არ არის - ნებისმიერი ტანსაცმელი შეძენილია გემოვნებისა და ზომის მიხედვით, ამ უკანასკნელის არჩევაში შესაძლოა თქვენ უბრალოდ შეცდეთ. ამიტომ, უმჯობესია პარტნიორს ბრენდირებული ბუტიკის სასაჩუქრე ბარათი მიართვათ და მან დამოუკიდებლად შეარჩიოს სასურველი ნივთი.

საყოფაცხოვრებო ნივთები

ყველაზე უჩვეულო ფანარიც კი მაინც ერთი უბრალო ფანარია, არაფერი განსაკუთრებული. წარმოიდგინეთ, რომ საახალწლოდ ქმარმა გაჩუქათ ლამაზი ჩაის ტილოები, გაგიხარდებოდათ?
რაც არ უნდა იყოს, ახალი წლის ღამე ყოველდღიურ ცხოვრებაზე მაღლა დგას, ამიტომაც ნუ გავაუბრალოებთ მას მარტივი საყოფაცხოვრებო ნივთებით.

ძვირფასი საჩუქრები

ლეპტოპის, სმარტფონის ან ძვირფასი სამკაულების ყიდვა არც თუ ისე კარგი იდეაა. ახალი წელი სასწაულების დროა, მაგრამ გახსოვდეთ, ეს არ არის დაბადების დღე. უმჯობესია, ასეთ ძვირადღირებულ საჩუქრებზე სხვა დროს იფიქროთ. ახალი წელი მაინც ის დღესასწაულია, რომელსაც დადებითი განწყობა, სიხარული და კარგი ემოცია მოაქვს, ამიტომ მეუღლისთვის შერჩეული საჩუქარიც ამ ემოციას და საზეიმო განწყობას უნდა უსვამდეს ხაზს.