მამაკაცის ვნებაზე და სექსუალობაზე გავლენას ახდენს არა მხოლოდ გარეგანი ფაქტორები, არამედ ვარსკვლავებიც. ჩვენ გეტყვით, როგორი სიყვარული შეუძლიათ მამაკაცებს.

ვერძი

ვერძი მამაკაცები ყოველთვის აკონტროლებენ ყველაფერს. ისინი ბუნებით ლიდერები არიან და გირჩევთ დაემორჩილოთ. მაშინაც კი, თუ ვნების მოზღვავება მოხდა ისეთ დროს და ადგილას, რომელიც ნაკლებად ჰგავს ქორწინების საძინებელს, არ ინანებთ; ვერძებს ხიბლავთ სპონტანურობა, მათ იზიდავთ ისეთი პარტნიორი, რომელიც იზიარებს მათ უზღვავ ტემპერამენტს და ფანტაზიას, სხვა შემთხვევაში ზურგს აქცევენ პარტნიორს და იწყებენ შემცვლელის მოძებნას. არასტაბილური სასიყვარულო ურთიერთობები ვერძებს 30 წლამდე აქვთ, შემდეგ კი, ასაკთან ერთად სერიოზულ ნაბიჯებს დგამენ და საკმაოდ მყარ ოჯახებსაც ქმნიან. თუ ვერძის მოხიბვლა გსურთ, იყავით იდუმალი, არაპროგნოზირებადი და ვნებიანი.

კურო

ამ ნიშნის მამაკაცი ბუნებით ზარმაცია, ამიტომაც ინიციატივას პარტნიორს უთმობს. ნუ დაელოდებით რომ კურო საწოლში რამე გამომგონებლურს ან ნოვატორულს შემოგთავაზებთ, ეს მისი საქმე არ არის, სექსი მისთვის მხოლოდ ფიზიოლოგიაა. აბრეშუმის სექსუალური თეთრეული, სანთლები - კუროსთვის დროის ფუჭი კარგვაა. ბოლოს და ბოლოს, კურო ძალიან მიწიერი და პრაგმატული ნიშანია, ამიტომ ვნების შეტევაშიც კი სრულყოფილად აცნობიერებს რა ხდება მის თავს, არასოდეს ემორჩილება ქალურ ხრიკებს, მუდამ თან აქვს კონტრაცეფციის საშუალებები და გამოუვალ სიტუაციაში შეიძლება მხოლოდ უხერხულობის გამო დაამყაროს ქალთან სექსუალური კავშირი. თუ კურო მამაკაცს თქვენთან სიყვარული არ უნდა, მისი მოხიბვლა თითქმის შეუძლებელი იქნება. ზოგადად კურო ერთგული და სტაბილურია თავისი სურვილების მიმართ.

ტყუპები

ტყუპების არტისტულობა ყველაფერში ჩანს, მათ შორის ინტიმურ ურთიერთობებშიც. ამ ნიშანს შორის ბევრი მხატვარი და მუსიკოსია. ისინი თამაშობენ ფლირტსა და ვნებაზე და იმავეს ელიან პარტნიორისგან. ქალის კაცი - ეს არის ტყუპების მოკლე დახასიათება და ეს ყველაფერი იმიტომ, რომ მათთან ურთიერთობა მარტივია, მოერგებიან ნებისმიერი გოგონას განწყობას და შეძლებენ თავიანთი მიზნის მიღწევას. მათთან არასოდეს დაგეუფლებათ უხერხულობის განცდა, იციან როგორ შექმნან სწორი ატმოსფერო და მოიხიბლონ პარტნიორი პირველივე შეხვედრაზე ისე, რომ იგი მხოლოდ ერთი შეხებით დადნეს ტყუპებთან ურთიერთობისას. ისინი ნაზები, ყურადღებიანი არიან და თავიანთ საქმეს შემოქმედებითად და ფანტაზიით უდგებიან, ის არის იდეალური შეყვარებული, მაგრამ ყველაფერს აფუჭებს ტყუპი მამაკაცების გადაჭარბებული ლაპარაკი და ტრაბახი.

კირჩხიბი

კირჩხიბი მამაკაცია ცნობილია რჩეულთან მიჯაჭვულობით, მას უჭირს ახალი ურთიერთობების დამყარება და ამ მხრივ კონსერვატიულია: მას სჭირდება მოკრძალებული გოგონა, ბევრი გამოცდილების გარეშე, ამიტომ, როგორც წესი, კირჩხიბი მამაკაცები გვიან ქორწინდებიან და საბოლოო გადაწყვეტილებამდე საკმაოდ დიდხანს ფიქრობენ. კირჩხიბები შექმნილნი არიან ოჯახური ცხოვრებისთვის, ისინი მგრძნობიარენი არიან პარტნიორის განწყობის მიმართ და ზრუნავენ ერთმანეთის მიმართ რეალურ გულწრფელ გრძნობებზე. ამ ნიშნის მამაკაცებს შეუძლიათ საწოლში ყავის მიტანა, სახლის საქმეებში დახმარება, ღამით კი ყველაფერს გააკეთებენ საყვარელი ადამიანისთვის, მისთვის ეს უფრო მნიშვნელოვანია ინტიმურ ურთიერთობებში, ვიდრე საკუთარი ვნებების დაცხრობა, ერთი სიტყვით, თუ კირჩხიბი თქვენი არჩევანია, მაშინ გილოცავთ! მშვენიერი გადაწყვეტილებაა.

ლომი

სცენაზე ყველაზე მომხიბვლელი და მიმზიდველი მამაკაცი ლომია, რომელიც პარტნიორისგან გამუდმებით ყურადღებას და აღტაცებას ელის. მისთვის მხოლოდ გამოხედვა არაფერია, მნიშვნელოვანია კომპლიმენტები, ლომი ამას ყველასგან და მით უფრო საყვარელი ქალისგან ითხოვს. ლომი მამაკაცი პარტნიორულ ურთიერთობაში იდეალურია, ის მართლაც მომხიბვლელია, როგორც გარეგნულად (ის დიდ დროს უთმობს თავის მოვლას და იმავეს ელის რჩეულისგან) ისე საწოლში. ლომმა იცის რა არის ვნება და როგორ აქციოს ჩვეულებრივი ურთიერთობა დღესასწაულად - სექსში თქვენ უნდა მიჰყვეთ მას ყველაფერში, რასაც მოიფიქრებს (გვერწმუნეთ, მას ბევრი რამის მოფიქრება შეუძლია) და არ დაგავიწყდეთ მოგვიანებით უთხრათ, რომ ის უბრალოდ სიყვარულის გენიოსია. თუმცა არის ერთი საყურადღებო დეტალი - მიუხედავად იმისა, რომ ლომები ვნებიანი საყვარლები არიან, ამავე დროს მათ შეუძლიათ ძალიან მარტივად გაატარონ საღამო თქვენს გვერდზე და თან ახალი რჩეული მოძებნონ.

ქალწული

მამაკაცი ქალწული ბუნებით ძალიან პედანტია, ის ძალიან ბევრს იფიქრებს მანამ, სანამ რჩეულს სახლში მოიწვევს. იმდენ ხანს, რომ შესაძლოა პარტნიორმა გადაიფიქროს კიდეც, ამიტომ, ყველაზე ხშირად ამ წყვილში ინიციატივა ქალისგან მოდის. ქალწული მამაკაცები რომანტიკოსები და იდეალისტები არიან, პაემნიდან რაღაც არაჩვეულებრივს ელიან. ისინი მომთხოვნი არიან საკუთარი თავის მიმართ და ყველაფერს ზედმიწევნით სწორად აკეთებენ. საწოლში ქალწული მამაკაცი მაქსიმალურად ვნებიანია, ის ეცდება ყურადღება დაუთმოს პარტნიორს, თუმცა თქვენგანაც იმავეს მოითხოვს: გადადეთ ტელეფონი, გამორთეთ ტელევიზორი, რადგან შეიძლება ადვილად დაკარგოს რომანტიკული განწყობა და დაკავდეს სხვა მნიშვნელოვანი საქმით. ისინი ქალში ინტელექტს და იუმორს აფასებენ, ამიტომ ცელულიტზე არ ინერვიულოთ, ისინი ამას ყურადღებას მაინც არ მიაქცევენ.

სასწორი

ამ ნიშნის მამაკაცი საოცრად მიმზიდველია საპირისპირო სქესისთვის. მას აქვს რაღაც, რისი დემონსტრირებაც არ არის საჭირო სიტყვებით: ქარიზმა, მამაკაცურობა, სერიოზულობა და ბუნებრივი სექსუალობა. სასწორებისთვის სიყვარული სიცოცხლის აზრია. თუ მათ ნამდვილად უყვართ, უჭირთ განშორება, თუმცა ისინი საერთოდ არ არიან მონოგამიურები - შეიძლება ბევრი რომანი და ქორწინება იყოს მათ ცხოვრებაში. სასწორები მშვენიერი საყვარლები, მოსიყვარულეები და ვნებიანი არიან. ისინი პარტნიორად ლამაზ გოგოებს ირჩევენ, ესთეტიკა მათთვის უპირველესია. არ უყვართ მოწყენილობა და ერთფეროვნება; თუ რაიმე ახალს შესთავაზებთ, სიამოვნებით გიპასუხებენ.

მორიელი

ვინ არ იცის, რომ ეს ჰოროსკოპის ყველაზე სექსუალური ნიშანია? მთავარი მაცთუნებელი დედამიწის ზურგზე. თუ ბედის დაკავშირებას მორიელ მამაკაცთან აპირებთ, მოემზადეთ მშფოთვარე და თავბრუდამხვევი ინტიმური ცხოვრებისთვის. თუმცა, მორიელი მამაკაცები დიდი ტაქტით არ გამოირჩევიან, თუ ნაკლი შენიშნეს, პირდაპირ მოგახლიან და ეს იმისდა მიუხედავად, რომ მათი შეყვარებულები, როგორც წესი, ლამაზი და დახვეწილი სხეულის მფლობელები არიან, მაგრამ მაქსიმალისტი მორიელი, რომელიც თავად სულაც არ არის აპოლონი, სარკასტული იქნება და ვერაფრით დახუჭავს თვალს უმნიშვნელო წუნზეც კი.

მშვილდოსანი

მშვილდოსანი მამაკაცი ყველაზე გამოცდილი მაცდუნებელია! ის არის კომუნიკაბელური, ერუდირებული და აქვს და იუმორის კარგი გრძნობა, ის მუდამ ყურადღების ცენტრშია და თავადაც ვერ შეამჩნევთ, როგორ ენთუზიაზმით ესაუბრებით მას სხვადასხვა საინტერესო საკითხებზე და შემდეგ ვერც კი შეამჩნევთ, როგორ მოულოდნელად აღმოჩნდებით მის საწოლში, მიუხედავად იმისა, რომ შესაძლოა მანამდე ერთგული ცოლი და იდეალური დედა იყავით - ასეთია მხიარული მშვილდოსანი. ისინი ინტუიციურად პოულობენ გასაღებს ნებისმიერი ქალბატონისთვის და არცერთ მიმზიდველ ქალს არ აძლევენ უყურადღებოდ გვერდის ავლის საშუალებას. ღალატის ნიჭი ვარსკვლავებისგან აქვთ ბოძებული. ინტიმურ ურთიერთობებში მშვილდოსანმა მამაკაცმა იცის როგორ შექმნას იდეალური ატმოსფერო პარტნიორისთვის, თუ მან არჩევანი თქვენზე გააკეთა, თქვენ გაქვთ შანსი იგრძნოთ თავი დედოფლად, მაგრამ ეს დიდხანს არ გაგრძელდება - მსოფლიოში ბევრი ლამაზმანია, ვნებიანი და დაუოკებელი ნიშანი კი მუდმივად ახალ-ახალ პარტნიორებს უსაფრდება.

თხის რქა

თხის რქა არასოდეს დაკარგავს დროს შემთხვევით ურთიერთობებზე ან სპონტანურ სექსზე. მხოლოდ სერიოზული მიჯაჭვულობა სერიოზული გოგოს მიმართ თხის რქა მამაკაცის მთავარი სამიზნეა. ის ყოველთვის ცოტა შორს იქნება, თითქოს ჩრდილში, მაგრამ აუცილებლად მიხვდებით, რომ მან შემოგხედათ და შეგამჩნიათ. თუ თხის რქა მამაკაცმა აგირჩიათ ხანგრძლივი და ბედნიერი კავშირი გარანტირებულია, ის ერთგული და სანდო ადამიანია და არასოდეს ეძებს ახალ თავგადასავალს, როგორც მშვილდოსანი ან ტყუპები. საწოლში ის გულდასმით ახარებს საყვარელ ადამიანს, უსმენს მის სურვილებს, თუმცა თხის რქებს აქვთ საკუთარი საიდუმლო ვნებები - მათ უყვართ სასტიკი თამაშები და შეუძლიათ შორს წავიდნენ, რაც პარტნიორს ფიზიკურ ტკივილსაც მიაყენებს, მაგრამ ნუ შეგეშინდებათ, თქვენი თანხმობის გარეშე ცუდს არაფერს გააკეთებს, მთავარია არ მოგერიდოთ მისთვის საზღვრების დაუყოვნებლად დაწესება.

მერწყული

ვნებიანი შეყვარებული და გულუბრყვილო რომანტიკოსი ორი განსხვავებული ადამიანი არ არის, ეს უბრალოდ მერწყული მამაკაცია. ისინი წესიერები და გონიერები არიან ურთიერთობებში და აუცილებლად გკითხავენ, გყავთ თუ არა სხვა პარტნიორი და მხოლოდ მას შემდეგ, რაც დარწმუნდება თავისი აზრების სიწმინდეში, ის დაიწყებს თაყვანისმცემლობას. ის ირჩევს კრეატიულ, ერუდირებულ, განათლებულ და მოხდენილ გოგოებს. მერწყულებისთვის კარგ ფიგურას და მოვლილ სხეულს უდიდესი მნიშვნელობა აქვს. რაც შეეხება საწოლს, არაფერია განსაკუთრებული სათქმელი მერწყულზე: ის ტრადიციული და პროგნოზირებადია. ის გადის ცხოვრებას ახალგაზრდობაში ნასწავლი მაცდუნებლობის ტექნიკით. თუ გსურთ ასეთი მამაკაცის მოგება, ნუ გამოიჩენთ ინიციატივას, იყავით თავშეკავებული ემოციებში.

თევზი

თევზი მამაკაცი ყოველთვის პარტნიორისგან ელოდება პირველ ნაბიჯებს. თევზები ბუნებით კომფორტის მოყვარულები არიან, ამიტომაც ცხოვრებისეული პრობლემები მათი „აქილევსის ქუსლია“, არასდროს დახარჯავენ დიდ დროს პარტნიორის გულის დასაპყრობად და იოლად იტყვიან უარს სიყვარულზე პირველივე სირთულისას. თევზები მშვიდები და კომუნიკაბელური არიან, ამიტომ ეძებენ პარტნიორს, რომელიც მათი მსგავსია, სამყაროს მარტივი აღქმით. თევზებისთვის სექსუალური ურთიერთობები ემოციების აფეთქებისა და ზედმეტი ვნებების გარეშე მიმდინარეობს, მათ მოსწონთ ლამაზად ჩაცმული მოხდენილი პარტნიორი. თევზებმა შესაძლოა სწრაფად მოიწყინონ სექსის დროს დახურულფარდებიან საძინებელში, ამიტომ შეეცადეთ ბევრი სიურპრიზი და მრავალფეროვნება შეიტანოთ თევზების სექსუალურ ცხოვრებაში, რადგან ისინი ინიციატივას თქვენგან ელოდებიან.