ოდესღაც თქვენი ურთიერთობა სავსე იყო ვნებით, გულწრფელობითა და ენთუზიაზმით, ახლა კი თითქოს უხილავი უფსკრულია თქვენს შორის; მიზეზები შეიძლება ძალიან განსხვავებული იყოს - დაღლილობა, პრობლემები სამსახურში ან პიროვნული კრიზისი.

რაც არ უნდა იმალებოდეს საყვარელი ადამიანის გულგრილი გამომეტყველებისა და მისი მხრიდან ინიციატივის ნაკლებობის მიღმა, თქვენ მაინც უნდა იმოქმედოთ, თუ, რა თქმა უნდა, გსურთ გადაარჩინოთ ურთიერთობა, რომელმაც ადრე ორივეს სიხარული მოუტანა.

TREND გირჩევთ, როგორ ავიცილოთ თავიდან ურთიერთობის ნეგატიური შედეგები.

ნუ იქნებით დესპოტი

თუ მამაკაცი თავს გარიდებთ, ეცადეთ გაიგოთ მისი სიცივის და დაშორების მიზეზები, კითხვები კი, როგორიცაა: "რატომ გახდი ასეთი გულგრილი?" ან "რა ხდება ჩვენს ურთიერთობაში?" - რა თქმა უნდა, შეიძლება ჩაითვალოს ბუნებრივ რეაქციად, მაგრამ რა მოხდება შემდეგ? ჩვენ ვიწყებთ პარტნიორისგან ახსნა-განმარტებების მოსმენას და მას პრეტენზიების ქარბუქს ვატეხავთ თავზე, რაც სამწუხაროდ, კიდევ უფრო სავალალოს გახდის ურთიერთობას.

ნუ გაუკონტროლებთ ყველა ნაბიჯს

როდესაც ადამიანი იწყებს დისტანცირებას, ავტომატურად ჩნდება ეჭვები ღალატზე: "რატომ ატარებს ამდენ დროს მეგობრებთან?" „ვინმე ხომ არ გაიჩინა?“ - მსგავსი ფიქრები და შემდეგ კი გადაჭარბებული კონტროლი და მისი ყოველი ნაბიჯის მიმართ ინტერესი, ნეგატიურ შედეგს მოიტანს - მამაკაცი იგრძნობს, რომ მისი პირადი სივრცე დაირღვა, ეს კი ძალიან გააღიზიანებს.

https://trend.ge/img/news/qali da kaci_1742151142.jpg

ნუ ითამაშებთ მსხვერპლის როლს

ბევრი ქალი მსხვერპლის როლს თამაშობს, რათა ყურადღება მიიპყროს და გამოიყენოს ფრაზები, როგორიცაა: „სულ არ გიყვარვარ!“, „შენ დამცინი“, მაგრამ ასეთი ფრაზები მხოლოდ დამატებით დაძაბულობას ქმნის და პრობლემის გადაჭრას არაფრით უწყობს ხელს. ასეთი ჩივილები უფრო მანიპულირებას ჰგავს.
წარმოიდგინეთ თქვენი თავი მის ადგილას, თუ მაგალითად, გადიხართ პიროვნულ კრიზისს, დაკარგეთ ცხოვრებისადმი ინტერესი და პარალელურად პარტნიორი გადანაშაულებთ და ცილს გწამებთ, რამდენად მოგეწონებოდათ?

ნუ გახდებით მისი აჩრდილი

კიდევ ერთი გავრცელებული შეცდომაა გადაჭარბებული აკვიატება, როდესაც ქალი იწყებს შეყვარებულის „ადევნებას“.
ხშირად ქალებს უჩნდებათ სურვილი პარტნიორი არცერთი წუთით არ დატოვონ მარტო, წაიკითხონ მისი მიმოწერა, მიაკითხონ სამსახურში უდროო დროს - ეს ყველაფერი მამაკაცს უქმნის განცდას, რომ ის გალიაშია. შედეგად, კიდევ უფრო შორდება თავის მეორე ნახევარს და ოცნებობს არა თუ მასთან შერიგებაზე, არამედ პირიქით, ფიქრობს მისგან გაქცევაზე.

არ აჩვენოთ უკმაყოფილება

ურთიერთობების განვითარების რთულ პერიოდშიც კი, როდესაც დისტანცია საუკეთესო ჟესტია, ქალმა შეიძლება უკმაყოფილება გამოოხატოს დუმილით ან/და სახის გამომეტყველებით, მაგრამ ასეთი ქცევა არ არის მოგებიანი, რადგან ის აიძულებს მამაკაცს თავი დამნაშავედ იგრძნოს.



დაფიქრდით, იქნებ მასაც აკლია თქვენგან სიყვარული, ზრუნვა და მხარდაჭერა. არ ჯობია თქვენი პარტნიორი დაპატიჟოთ გულწრფელ საუბარზე? აუხსენით ზუსტად რატომ არ ხართ კმაყოფილი, გაუზიარეთ თქვენი გამოცდილება, ეჭვები.
ნებისმიერი ურთიერთობა მოითხოვს გუნდურ მუშაობას. თუ მამაკაცი იწყებს დისტანცირებას, ნუ ეძებთ მასში დამნაშავეს, არამედ შეეცადეთ გაიგოთ რა არის ამის მიზეზი და ერთად იმუშავეთ პრობლემაზე. კონსტრუქციული კომუნიკაცია, ნდობა, პატივისცემა და კომპრომისზე წასვლის სურვილი ჯანსაღი, ჰარმონიული ურთიერთობის აუცილებელი კომპონენტებია.