უმამობა ძლიერ კვალს ტოვებს ადამიანის მენტალურ ჯანმრთელობაზე. მამას განსაკუთრებული როლი აქვს ბავშვის აღზრდაში, რომელსაც ვერც დედა და ვერც ბებია ჩაანაცვლებს.

რა განსაკუთრებული როლი აქვს მამას და რა გავლენას ახდენს მასთან ურთიერთობა თავდაჯერებულობაზე?

მამა არის მფარველი, ვინც იცავს დედას და შვილს, ასევე აძლევს სამყაროში უსაფრთხოების განცდას და ნდობას, ან არ აძლევს.
იდეალურ შემთხვევაში, დედა შვილს უპირობოდ აღიარებს, მამა კი ამტკიცებს მიღწევებს და მიესალმება საზოგადოებაში მის ღირსეულ ქცევას, უქმნის შვილს თავდაჯერებულობის განცდას.

საზღვრების დადგენა

მამა ასწავლის შვილს, პატივი სცეს სხვებს. ადგენს წესებს და ზრუნავს მათ დაცვაზე. დედის საზღვრები ადვილად ირღვევა, მამის საზღვრები კი გაცილებით მტკიცეა.

დედასთან განშორება და საკუთარი თავის პოვნა
 

ბავშვის ცხოვრების პირველ წელს დედა ძალიან მჭიდროდ არის დაკავშირებული მასთან. შემდეგ თანდათან ბავშვი უფრო დამოუკიდებელი ხდება, ამ დროს მესამე პირი არის მამა, ვინც ეხმარება დედას ბავშვის გაშვებაში, ასევე ეხმარება ბავშვს იგრძნოს დამოუკიდებლობა და იპოვოს საკუთარი თავი.
ალბათ შეხვედრიხართ უფროს ბავშვებს, რომლებიც ახლოს არიან დედებთან, მაგრამ ვერ იპოვეს საკუთარი თავი საზოგადოებაში, ეს ხდება უმეტესად ისეთ ოჯახებში, რომელშიც მამა არ არის ფიზიკურად ან სულ მცირე, ფსიქოლოგიურად.

მამის პიროვნების უარყოფა

ჩვენში გვაქვს როგორც დედის, ასევე მამის გენები, როდესაც ჩვენი ოჯახი ცუდად საუბრობს მამაზე ან საერთოდ არ საუბრობს, ისეთი შეგრძნება გვაქვს, თითქოს რაღაც გვიჭირს, ვწყვეტთ ყველაფერს, რაც მამასთან არის დაკავშირებული, ვკარგავთ მამის ფიგურის რესურსს, ვერ ვხედავთ მის როლს, ვერც მის ძლიერ მხარეებს.

პარტნიორის არჩევა

მაშინაც კი, როცა მამა ერთი დღეც არ ყოფილა ბავშვის ცხოვრებაში, შინაგანად ყალიბდება მამის ფიგურა - არსებობს იდეები და ფანტაზიები იმის შესახებ, თუ როგორია მამა და ვინ ვარ მისთვის? გოგოსთვის ეს პირველი მნიშვნელოვანი მამაკაცია; ბიჭისთვის კი მისაბაძი მაგალითი.

რა შედეგები მოჰყვება მამის არყოფნას?

გაურკვეველია, როგორ არის აგებული ოჯახური ცხოვრება - რა როლი აქვს მასში ქალსა და მამაკაცს? როგორ კამათობენ ან როგორ აწარმოებენ მოლაპარაკებას? როგორ ზრდიან შვილებს ერთად?

მამაკაცის მიმართ დამოკიდებულება რთული და წინააღმდეგობრივია - გოგონებს უჭირთ ნდობა, მათთვის მამაკაცი გაუგებარი და ხშირად საშიშია, ბიჭებისთვის კი რთული გამოცდილებაა.

უმამოდ გაზრდილი შვილი ზრდასრულ ასაკში ცდილობს კომპენსირება საპირისპირო სქესის ადამიანების აღიარებით მოიპოვოს. ქალებს შეუძლიათ გაუთავებლად კონკურენცია გაუწიონ სხვა ქალებს მამაკაცის გულის მოსაგებად, მით უმეტეს, თუ ოჯახში მამა მხოლოდ იმიტომ არ არის, რომ ის სხვა ქალთან წავიდა.



მამის გარეშე ოჯახებში დედა-შვილის ურთიერთობა ძალიან მჭიდროა, არ არსებობს გამოცდილება, რომ შესაძლებელია გიყვარდეს დედაც და მამაც, არადა, სამკუთხედში უფრო მეტი თავისუფლება და სივრცეა, ვიდრე წყვილში.