შვებულება ის პერიოდია, რომელსაც დიდი ხნის მანძილზე ველით ხოლმე და გვსურს მშვიდად, კომფორტულად და საინტერესოდ გავატაროთ; მაგრამ ყოველი შვებულების წინ დილემის წინაშე ვდგებით და სამოგზაურო ჩანთაში ბევრ არასაჭირო ნივთს ვალაგებთ.

ჩვენ ვასახელებთ 10 ნივთს, რომელიც ყველაზე მეტ ადგილს იკავებს თქვენს ჩემოდანში და რომელთა დატოვებაც სახლში ჯობია.

ჰიგიენური ნივთები

საპირფარეშო ნივთების უზარმაზარი ჩანთის ჩალაგების ნაცვლად, გამოიყენეთ უფასო საპირფარეშო ნივთები, რომელიც სასტუმროს ნომერში ისედაც დაგხვდებათ. რა თქმა უნდა, ჩვენ არ ვსაუბრობთ კბილის ჯაგრისზე ან თქვენს საყვარელ თმის კონდიციონერზე, მაგრამ სასტუმროს საპონი, ბამბის ტამპონები და შხაპის ქუდები ნამდვილად დაზოგავს ადგილს თქვენს ჩემოდანში. ზოგიერთ სასტუმროს შეიძლება ასევე ჰქონდეს კბილის პასტა, პირის ღრუს სავლები, საპარსი კრემი, ქალის ჰიგიენის საშუალებები და საკერავი ნაკრებებიც კი - თქვენ უბრალოდ უნდა მოითხოვოთ ისინი.

მაკიაჟის ჩანთა

გადახედეთ მაკიაჟის ჩანთას და ამოიღეთ ყველაფერი, რაც მოგზაურობის დროს არ დაგჭირდებათ. თან იქონიეთ მხოლოდ ის პროდუქტები, რომლებსაც ყოველდღიურად იყენებთ. ეცადეთ, შემოიფარგლოთ ტონალური კრემით, რუჟით ან ბრონზერით, წარბების ფანქრით, მინიმალური თვალის ჩრდილით, ტუშით და პომადით.

თმის დასახვევი უთოები

სახლში დატოვეთ თმის საშრობი, დასახვევი უთო და თმის მოცულობითი კონტეინერები - ისინი საკმაო ადგილს იკავებენ ბარგსა და სასტუმროს სააბაზანოში. წინასწარ შეამოწმეთ, აქვთ თუ არა სასტუმროს თმის საშრობი უთო, რათა საჭიროზე მეტი არ ჩაალაგოთ. ეცადეთ, თმის მოვლის მხოლოდ ყველაზე პატარა ნივთები წაიღოთ თან.

წიგნები

ბევრ ადამიანს უყვარს კითხვა შვებულებაში, მაგრამ თუ გაქვთ ელექტრონული წიგნი ან პლანშეტი, შეგიძლიათ წიგნები და ჟურნალები სახლში დატოვოთ. ელექტრონული წიგნების შესანიშნავი მხარე ის არის, რომ ისინი თხელი და მსუბუქია, რაც საშუალებას გაძლევთ ჩამოტვირთოთ მეტი რომანი და მოთხრობა, ასე თქვენ იმაზე მეტს წაიკითხავთ შორ მოგზაურობაში, ვიდრე ოდესმე წარმოგედგინათ.

კომპიუტერი ან პლანშეტი

თუ სამსახურებრივი მოგზაურობაში არ მიდიხართ, მხოლოდ სმარტფონითაც შეგიძლიათ გაძლოთ. თუმცა, თუ სხვა მოწყობილობების, მაგალითად, პლანშეტის, ლეპტოპის ან ელექტრონული წიგნის წაღებას გეგმავთ, ბარგში მაქსიმუმ ორი მოწყობილობა მოათავსეთ. უბრალოდ გახსოვდეთ, რომ გაჯეტების სიმრავლე არაოპტიმალურ დასვენებამდე მიგიყვანთ. ან მუდმივად გაფანტული იქნებით თქვენი ტექნიკური აღჭურვილობით, ან საბოლოოდ არ გამოიყენებთ მათ.



თეთრეული და პირსახოცები
თუ კემპინგზე არ მიდიხართ, პირსახოცები ან თეთრეული არ წაიღოთ. სასტუმროები და სასტუმროს ტიპის სახლები თითქმის ყოველთვის უზრუნველყოფენ მათ

ბევრი ჯინსი
ჯინსი შესანიშნავია მოგზაურობისთვის, რადგან ის კომფორტული და ლაქებისადმი მდგრადია, თუმცა, მძიმეა და დიდ ადგილს იკავებს, მაშინაც კი, როდესაც სწორად დაკეცილია. ამიტომ, ჩაალაგეთ მხოლოდ თქვენი საყვარელი ჯინსი, ერთი ან მაქსიმუმ ორი.

ყოველდღიური ტანსაცმელი

ყველას მოსწონს მდიდარი მოგზაურობა შვებულების დროს, მაგრამ ხშირად გვავიწყდება, რომ ბევრი სულაც არაა საჭირო, რადგან სავარაუდოდ, იმის ნახევარზე ნაკლებს ჩაიცვამთ, რაც წაიღეთ. სტანდარტული მოგზაურობისთვის, დაახლოებით სამი ზედა და სამი ქვედა ტანსაცმელი და ორიოდ წყვილი ფეხსაცმელი უნდა წაიღოთ, რომლებიც პრაქტიკული, კომფორტული და შეხამებადი იქნება. თუ სუფთა ტანსაცმლის გამოლევაზე ღელავთ, აუცილებლად გამოიყენეთ სარეცხის მანქანა.

არაპრაქტიკული ფეხსაცმელი

არაფერია იმაზე უარესი, ვიდრე შვებულებაში არასწორი ფეხსაცმლის ტარება და დისკომფორტი, ამიტომ აქ სიფრთხილე გმართებთ, არასდროს წაიღოთ ახალი ფეხსაცმელი, ის შეიძლება არაკომფორტული იყოს და ფეხები დაგიზიანოთ. ასევე ბალეტის ბრტყელი ფეხსაცმელი და მაღალქუსლიანი ფეხსაცმელიც უმჯობესია სახლში დატოვოთ. აირჩიეთ პრაქტიკული და სპორტული ფეხსაცმელი.
თუ თქვენი არდადეგების გეგმა ფორმალურ ტანსაცმელს მოიცავს, შეეცადეთ იპოვოთ ბალანსი სტილსა და კომფორტს შორის.

ძვირადღირებული აქსესუარები და სამკაულები

გაუძელით ცდუნებას და არ ჩაალაგოთ თქვენი ყველაზე ძვირადღირებული და ლამაზი საათი, სამკაული, ჩანთა ან სხვა ნებისმიერი ნივთი, რომელიც ძალიან გიყვართ. ბევრ შემთხვევაში, ძვირფასი ნივთებით მოგზაურობა ქურდების მთავარ სამიზნედ გაქცევთ. ასევე რისკავთ დაკარგოთ ან სასტუმროში დატოვოთ პატარა აქსესუარები, რომლებიც მოგვიანებით გაგახსენდებათ.