ერთგვაროვანი, ინტენსიური რუჯის მიღება არც ისე მარტივი საქმეა, მაგრამ თუ საქმეში სპეციალურად შერჩეულ პროდუქტებს ჩავრთავთ, ლამაზი ნამზეურიც გარანტირებულია.

როგორც კი ორგანიზმის ვიტამინებითა და მიკროელემენტებით გაჯერებაზე ფიქრს დაიწყებთ, თანაბარი და ლამაზი რუჯისთვის, არ შეიძლება უგულებელყოთ ყველაზე მნიშვნელოვანი უსაფრთხოების წესი: ვიტამინების ნარევების ყველა დადებითი ნიუანსის გათვალისწინებით, არ დაგავიწყდეთ SPF-ის გამოყენება, განსაკუთრებით მაშინ, როდესაც მზე ძალიან აქტიურია. გარდა ამისა, TREND გიზიარებთ 4 საუკეთესო სახის წვენს იდეალური რუჯისთვის:

C ვიტამინის მაღალი შემცველობის წვენები

იმისათვის, რომ კანი ყველაზე ძლიერი ბუნებრივი ანტიოქსიდანტით გააჯეროთ, გირჩევთ მიიღოთ ციტრუსოვანი ხილის, მაგალითად, ფორთოხლის, გრეიფრუტის ან ანანასის ახლად გამოწურულ წვენებს.



C ვიტამინი ხელს უწყობს ხარისხიანი რუჯის შენარჩუნებას და გაძლიერებას. ანანასის და ციტრუსის წვენები ხანგრძლივ ეფექტს იძლევა იმის გამო, რომ C ვიტამინი უფრო დიდხანს შეიწოვება, ვიდრე, მაგალითად, ბეტა-კაროტინი.
უმჯობესია წვენების დალევა ზღვაზე გასვლამდე რამდენიმე საათით ადრე.

სტაფილოს წვენი

ეს სასმელი მზის დადებითი ეფექტების კარგი გამაძლიერებელია. ის დიდი დოზით შეიცავს ბეტა-კაროტინს, რაც კანს ელასტიურს ხდის და აუმჯობესებს რუჯის ტონს.
ექსპერტები გვირჩევენ ახლად გამოწურული სტაფილოს წვენის მცირე რაოდენობით შერევას ნაღებთან, რათა ბეტა-კაროტინი უკეთ შეიწოვოს. ასევე უმჯობესია მისი დალევა მზის აბაზანის მიღებამდე.

მანგოს შეიკი

თავისთავად, მთლიანი ხილის სახით, მანგო A ვიტამინის შესანიშნავი წყაროა, რომელიც ერთ-ერთი საუკეთესო ვიტამინია ლამაზი რუჯისთვის. სასმელის მოსამზადებლად უბრალოდ აირჩიეთ წვნიანი, მწიფე ხილი და შეანჯღრიეთ შეიკერში. მზის აბაზანების მიღებამდე რამდენიმე საათით ადრე ერთი ჭიქა მანგოს შეიკი შესამჩნევ ეფექტს მისცემს ნამზეურს.

სუპერმიქსი

ზღვაზე წასვლამდე ერთი კვირით ადრე შეგიძლიათ განტვირთოთ სხეული: უზრუნველყოთ თანაბარი რუჯი ლამაზი ტონით და გაიუმჯობესოთ თქვენი საერთო კეთილდღეობა მსუბუქი დეტოქსიკაციის საშუალებით.
შვებულებისთვის მოსამზადებელ პერიოდში, დროდადრო შეგიძლიათ მიიღოთ ეს კოქტეილი:



ნახევარი ჭიქა სტაფილოს წვენს, დაუმატეთ ნახევარი ჭიქა ახლად გამოწურული გრეიფრუტი, მცირე რაოდენობით ჯანჯაფილის წვენი, მწიკვი კურკუმა, ასე თქვენ მიიღებთ მატონიზირებელ სასმელს, რომელიც შეიცავს როგორც C ვიტამინს, ასევე ბეტა-კაროტინს. ბოლოს და ბოლოს, რუჯისთვის საკმარისი არ არის მხოლოდ გარუჯვა - უნდა დარწმუნდეთ, რომ კანი არ გამოშრება ან არ აიქერცლება, არამედ შეინარჩუნებს აბრეშუმისებრ ბზინვარებას და ელასტიკურობას.

სანაპიროზე თან იქონიეთ წყალი, ან/და მინერალური ან ნატურალური ქოქოსის წვენი. მთავარია, თავიდან აიცილოთ დეჰიდრატაცია, ამიტომ აუცილებელია დიდი რაოდენობით მიიღოთ სუფთა წყალი.