ბექჰემების ოჯახი მსოფლიოში ერთ-ერთ ყველაზე სრულყოფილ კლანს ჰგავს, თუმცა წელს მათი „იდეალური ფასადი“ საბოლოოდ ჩამოიშალა. დაპირისპირება ვიქტორიასა და მის რძლებს შორის უკვე გასცდა კულუარებს. რატომ აღმოჩნდა უფროსი ვაჟი, ბრუკლინი, ოჯახიდან მოკვეთილი და რომელი რძალია ვიქტორიას ფავორიტი?

ბრუკლინი და ნიკოლა პელტცი: „ომი“ დედასა და ცოლს შორის

ბრუკლინ ბექჰემისა და მილიარდერის ქალიშვილის, ნიკოლა პელტცის ქორწილი 2022 წელს ახალი ოჯახის დასაწყისი და ძველის ნგრევის დასასრული გახდა.



ბრუკლინმა სულ ცოტა ხნის წინ გამოაქვეყნა გულახდილი მიმართვა, სადაც აღიარა, რომ მშობლებისთვის საზოგადოებრივი აზრი ყოველთვის უფრო მნიშვნელოვანი იყო, ვიდრე შვილების ბედნიერება.

• კონფლიქტის მიზეზი: ნიკოლა გახდა ის ქალი, რომელმაც ბრუკლინს დამოუკიდებლობა ასწავლა, რაც ავტორიტარულ ვიქტორიას არ მოეწონა.

• შედეგად ბრუკლინმა ცოლის გვარი მიიღო, ოჯახს დაშორდა და მას ახლა „პრინც ჰარის“ ადარებენ, ნიკოლას კი - მეგან მარკლს.

კრუზი და ჯეკი აპოსტელი: ვიქტორიას ორეული?

უმცროსი ვაჟის, კრუზის რჩეული ბრაზილიელი მუსიკოსი ჯეკი აპოსტელია. ის ბექჰემების მემკვიდრეზე 9 წლით უფროსია, თუმცა ვიქტორია მის მიმართ საოცარ კეთილგანწყობას იჩენს.

• სოციალური ქსელების მომხმარებლები ამჩნევენ, რომ ჯეკი საოცრად ჰგავს 2000-იანი წლების ვიქტორია ბექჰემს და მის სტილშიც კი იცვამს. როგორც ჩანს, საკუთარი თავის მსგავსი რძალი ვიქტორიასთვის ყველაზე მისაღები ვარიანტია.

რომეო და კიმ ტერნბული: სარძლო, რომელიც მანამდე ბრუკლინს ხვდებოდა

ეს ამბავი ნამდვილ საპნის ოპერას ჰგავს. მოდელი კიმ ტერნბული ახლა რომეო ბექჰემს ხვდება, თუმცა მანამდე მას რომანი მის უფროს ძმასთან, ბრუკლინთან ჰქონდა!

• ოჯახური დრამა: ამბობენ, რომ ძმებს შორის ურთიერთობა სწორედ კიმის გამო დაიძაბა. ბრუკლინმა ძმის საქციელი მამაკაცური სოლიდარობის დარღვევად მიიჩნია.

• ვიქტორიას ფავორიტი: მიუხედავად ამ წარსულისა, ვიქტორიას კიმი ძალიან უყვარს. რატომ? პასუხი მოდაშია. კიმი წარმატებული მოდელი და დიჯეია, რომელიც ისეთ ბრენდებთან თანამშრომლობს, როგორებიცაა Fendi და Miu Miu. ვიქტორია მას საკუთარ ჩვენებებზეც კი ეპატიჟება.

მთავარი გამოცდა ჯერ კიდევ წინ არის...

თუ ბიჭების შეყვარებულებს ვიქტორია „აკონტროლებს“, ნამდვილი ქარიშხალი მაშინ დაიწყება, როცა პატარა ჰარპერს პირველი თაყვანისმცემლები გამოუჩნდებიან.



აქ უკვე საქმეში დევიდ ბექჰემი ჩაერთვება, რომელსაც ქალიშვილი გაგიჟებით უყვარს.

ვიქტორია ბექჰემი ამჟამად მხოლოდ იმ სარძლოებს სწყალობს, რომელიც მის მოდის ინდუსტრიასა და სტილს ერგება.