არეტა ფრანკლინი 76 წლის ასაკში, პანკრიასის სიმსივნით გარდაიცვალა. მომღერალი 1942 წელს მემფისში დაიბადა. მისი წარმატება 1961 წლიდან დაიწყო სიმღერით “Won’t Be Long”, რომელიც მალევე ჰიტი გახდა და “ბილბორდის“ ტოპ 100 სიმღერაში პირველი ადგილი დაიკავა.

ვნახოთ, რას ამბობდა არეტა ფრანკლინი ცხოვრების, სიყვარულის, მუსიკის შესახებ - 9 ყველაზე დასამახსოვრებელი ფრაზა.

1. „ყველას სურს, რომ პატივს სცემდნენ, სამი წლის ბავშვსაც კი აქვს მოთხოვნილება, რომ პატივს სცემდნენ. თუმცა ყველას განსხვავებულეად ესმის ის, თუ რა არის პატივისცემა“.

2. „ვის არ აქვს წონის პრობლემა? თუ წონის პრობლემა არ აქვს, შესაძლოა თავისი დიდი თავი არ მოსწონდეს“, - იხუმრა მომღერალმა 2007 წელს People-თან.

3. „ჩვენ, ქალებს, გვაქვს ძალა, დიდი რესუსრსი. ქალები ნამდვილად ვიმსახურებთ პატივისცემას. ვფიქრობ, რომ ჩვენს საზოგადოებაში ქალებს, ბავშვებსა და მოხიცებს ყველაზე ნაკლებად სცემენ პატივს“ - ამბობდა არეტა 2016 წელს.

4. „შენ უნდა ისწავლო როგორ მისცე შვილს დამოუკიდებლობა, როგორ გაუშვა ის მარტო. ეს აუცილებელია, მაგრამ ძალიან რთული“.

5. „მე არ ვფიქრობ, რომ ჩემი სიმღერები ქალებისთვის ჰიმნი გახდება, მაგრამ იმედი მაქვს, რომ ჩემი სიმღერების ტექსტებთან კავშირს იპოვნიან. ჩვენ, ყველამ რარაც უნდა ვისწავლოთ ერთმანეთისგან. თუ ჩემი მუსიკა ვინმესთვის ინსპირაციის წყაროა, ეს შესანიშნავია“ - უთხრა გამოცემა „თაიმსს“ მომღერალმა 2017 წელს.

6. „ბიონსე, როგორც ყველა ქალწულის ზოდიაქოს ნიშნის ადამიანი, საოცრად შრომისმოყვარეა და მე ეს საოცრად მომწონს და მე მინდა, რომ მის მსგავსად შრომისმოყვარე იყო. ტყუილია ის, რომ თითქოს მე და ბიონსემ თეთრ სახლში ვიჩხუბეთ. ჩვენ გვიყვარს ერთმანეთი“.

7. “სიყვარულის დაკარგვა წონის დაკარგვას ჰგავს, გაცილებით მარტივია მისი პოვნა, ისევე როგორც წონაში მომატება, ვიდრე თავიდან მოშორება“.

8. „გქონდეს წარმატებული კარიერა, ამას მუდმივი შრომა სჭირდება. უნდა იცოდე, როგორ იზრუნო ხმაზე, როგორ გაუმკლავდე წარუმატებლობას“.

9. „მწვერვალის დაპყრობა არ არის მარტივი, მაგრამ ყველაზე ტკბილია, თუ მარტივად სავალ გზას აირჩევ, იქ ვერაფერს ნახავ სასიკეთოს“.