ბარბადოსელი მომღერალი, ბოლო ორი წელია ლონდონის ჩრდილოეთ ნაწილში დასახლდა. მისი სახლის ღირებულება 30 მლნ $-ია. თუ სანდო წყაროებს დავუჯერებთ, შენობა იატაკქვეშა გათბობის სისტემითაა აღჭურვილი. აქვე ნახავთ სავარჯიშო დარბაზსა და უშველებელ ეზოებს.

შენობა მდიდრულ უბანში, ექსკლუზიურად დაცულ ტერიტორიაზე მდებარეობს. ამ ადგილას იშვიათად შეხვდებით ვარსკვლავებს, შესაბამისად, პაპარაცების სიმრავლითაც არ გამოირჩევა. მომღერალი ამ სახლში 1 წლის განმავლობაში საიდუმლოდ ცხოვრობდა, მეზობლებმა არც კი იცოდნენ, რომ მათ სიახლოვეს ცნობილი მომღერალი დასახლდა. ეს ლოკაცია იდეალური ისეთი ცნობილი ადამიანისთვის, როგორიც რიანაა.

ოთხსართულიან სახლში შეხვდებით ღია სამზარეულოს, მისაღებ ოთახს და სივრცეს ოჯახური, მყუდრო საღამოებისთვის. შვიდი საძინებელი ოთახი, ხუთი სააბაზანო და ორი სამეცადინო ოთახი - ყველაფერი ის, რაც მომღერალს კომფორტული ცხოვრებისთვის სჭირდება.

რიანა უკვე ორი წელია ამ სახლში ცხოვრობს და როგორც ჩანს, სულაც არ აპირებს მის დატოვებას.