შინაგანი ხმა გადამწყვეტ როლს თამაშობს ცხოვრების ფორმირებაში. მაგრამ ჩვენი უმეტესობისთვის, რთულია ნეგატიურობის აზროვნების შეცვლა. თუმცა, სწორი აზროვნებითა და საკუთარ თავზე მუშაობით, შენ შეგიძლია იპოვო პოზიტიური შინაგანი ხმა და შეცვალო შენი ცხოვრება!

დაძლიე ის ნეგატივი, რომელიც აჭარბებს პოზიტივს

ჩვენთვის ადვილია ნეგატიური აზროვნება, რადგან ამისთვის რაიმე ძალისხმევის გაღება არაა საჭირო. შესაბამისად, რთულია პოზიტიური აზროვნების შენარჩუნება, რადგან, ქვეცნობიერის დონეზე, ჩვენ ფოკუსირებული ვართ ნეგატიურ შეფასებებსა და შინაგან მონოლოგზე.

მაგრამ თუ ჩვენ შევძლებთ მოვიგოთ ეს ბრძოლა, მაშინ პოზიტიურ ენერგიაში გადავინაცვლებთ. ამის იდეალური გზებია: მადლიერების პრაქტიკა, პოზიტიური შინაგანი მონოლოგის წარმართვა, პოზიტიურ ადამიანებთან დროის გატარება და ზოგადად, ცხოვრებაში ყველა პოზიტიური ასპექტის აღნიშვნა.

დაინახე პოზიტივი ყველაფერში

ზოგჯერ შეიძლება ყველაფერი ისე არ იყოს, როგორც ჩვენ ველოდებოდით. ასეთ სიტუაციებში, ადვილია თავი დაკარგულად და მოწყენილად ვიგრძნოთ. მაგრამ მნიშვნელოვანია, არ დავკარგოთ იმედი და შევეცადოთ დავინახოთ სიტუაციის პოზიტიური მხარე.

მაგალითად, შეიძლება ფიქრობდი, რომ შეგეძლო უცხო ქვეყანაში გადასვლა. შესაძლოა, უკვე მოაგვარე ყველა პრობლემა და მოაწესრიგე ყველა დოკუმენტი. მაგრამ, ბოლო მომენტში, რაღაც მოულოდნელი მოხდა და ვერ შეძელი სხვა ქვეყანაში გადასვლა.

ასეთ სიტუაციებში, არ დაგავიწყდეს, რომ შესაძლოა, ასე იმიტომ მოხდა, რომ ეს ქვეყანა, საუკეთესო ალტერნატივა არ ყოფილა. შესაძლოა, სულ მალე, უფრო უკეთეს ქვეყანაში აღმოჩნდე.

ივარჯიშე იყო პოზიტიური

დახუჭე თვალები და შეახსენე საკუთარ თავს, რომ შენში არსებობს დადებითი შინაგანი ხმა.

შენ ყველაფერი უნდა გააკეთო ამ ხმის გასაღვიძებლად და ამის საუკეთესო გზა, ყველა სიტუაციაში, პოზიტიური პერსპექტივის აღმოჩენაა.

დიახ, ეს მართალია.

როცა ისწავლი, პოზიტიური პერსპექტივით უყურო ცხოვრებას, მაშინ სულ მალე, ნეგატივის ადგილი არ დარჩება. სულ მალე კი, შენი აზროვნება და შესაბამისად, შენი ცხოვრება, სრულად შეიცვლება!