დღევანდელ სამყაროში, ბევრი ადამიანი ყოველდღიურად განიცდის სტრესს. მაგრამ ხანდახან, ეს სტრესი იმ დონეს აღწევს, რომ საქმეში სხეულის ჩართვა ხდება საჭირო - რათა დაგვანახოს, რომ უკვე ყველა ზღვარს გადავცდით!

 

• კუნთების დაძაბულობა

კუნთების დაძაბულობა სტრესის პირველი ნიშანია. თუ ხშირად გაწუხებთ კისრის, ზურგის, მხრების, ყბის არეში დაჭიმულობის განცდა, მაშინ, თქვენი ფსიქიკა სერიოზული ზეწოლის ქვეშაა. 

• დაღლილობა

დაღლილობაც შეიძლება იყოს სტრესის ნიშანი. ეს განსაკუთრებით ნიშანდობლივია მაშინ, თუ გაღვიძების შემდეგ, კვლავ დაღლილობას გრძნობთ.

• ძილის პრობლემები

ძილის პრობლემები ხშირად ვლინდება გადაჭარბებული სტრესის დროს. თუ ვერ იძინებთ, ძილი არ გყოფნით, შუაღამეს გეღვიძებათ ან აღგენიშნებათ სხვა დარღვევა, მაშინ სასწრაფოდ გჭირდებათ დასვენება.

სტრესის ეს ასპექტი განსაკუთრებით საზიანოა, რადგან მშვიდი ძილის ნაკლებობა ძლიერ აზიანებს სხეულს. შედეგად კი შესაძლებელია, კიდევ უფრო მეტად დაისტრესოთ და დაიტვირთოთ. ამიტომ სასიცოცხლოდ მნიშვნელოვანია ეს მანკიერი წრე გაარღვიოთ. 

• დაბინდული აზროვნება

ეს არის მდგომარეობა, როდესაც გვიჭირს ფოკუსირება. მიზეზი ისაა, რომ სტრესისგან თავდაცვის მიზნით, ტვინი უარს ამბობს ზედმეტი რესურსის დახარჯვაზე. დიახ, მთელი სხეული ცდილობს დაგანახოთ, რომ ახლა, დასვენების დროა!

• თავის ტკივილი

სტრესი შეიძლება გამოვლინდეს თავის, ასევე კუნთების, კუჭის და სხვა ორგანოების ტკივილით, აშკარა ფიზიკური მიზეზის გარეშე.

• საჭმლის მომნელებელი სისტემის პრობლემები

როდესაც ჩვენ სტრესში ვართ, სხეულს შეიძლება გაუჭირდეს საჭმლის მომნელებელი სისტემის ფუნქციონირება. შედეგად კი, შეიძლება გამოიწვიოს ფაღარათი, შეკრულობა,  კუჭის ტკივილი ან გულისრევა.

თუ აღგენიშნებათ ზემოთ ჩამოთვლილი ერთი ან რამდენიმე ნიშანი, მაშინ დროა ცოტა ხნით გამოეთიშოთ პასუხისმგებლობებს და დაისვენოთ. დაიმახსოვრეთ, დასვენება და სტრესისგან გათავისუფლება, მენტალური ჯანმრთელობის აუცილებელი წინაპირობაა.