გაგიგიათ ტერმინი „სიყვარულის ენა“? იცით, ეს რას გულისხმობს? ეს არის გზა, რომლითაც ერთი ადამიანი მეორეს უზიარებს ამ საოცარ გრძნობას.

ჩვენ ყველანი გავცემთ და ვიღებთ სიყვარულს 5 განსხვავებული გზით. ესენია, სიტყვები, მზრუნველობა, საჩუქრების გაცემა, დრო და ყურადღება, ფიზიკური შეხება.

1. სიტყვები

როცა სიტყვები ადამიანის სიყვარულის ენაა, მაშინ, სწორედ სიტყვების წარმოთქმა და მოსმენა აბედნიერებს და ავსებს ადამიანს. თქვენ ხარობთ  სიყვარულის სიტყვებად გადმოცემით ანუ ვერბალიზაციით: შექებით, წახალისებითა და კომპლიმენტებით. ამის საპირისპირო კი, უხეში სიტყვები და კრიტიკაა, რაზეც თქვენ ძალიან მწვავედ რეაგირებთ. 

2. მზრუნველობა

ყველაფერი, რასაც თქვენი პარტნიორი აკეთებს თქვენი დატვირთვის შესამსუბუქებლად, თქვენთვის სიყვარულის ნიშანია. თქვენ გრძნობთ ზრუნვას, როდესაც თქვენი პარტნიორი მტვერსასრუტს რთავს და სახლის დალაგებას იწყებს, ან საუზმეს გიმზადებთ, გემსახურებათ უშურველად და დაუღლელად. ამ ქმედების საპირისპიროა სიზარმაცე პარტნიორის მხრიდან, რამაც  შეიძლება თავი არამნიშვნელოვნად გაგრძნობინოთ.

3. საჩუქრების გაცემა

როდესაც სიყვარულის ამ ენაზე ვსაუბრობთ, ვგულისხმობთ, რომ ადამიანისთვის გააზრებული საჩუქარი მიუთითებს, რომ ის განსაკუთრებული ადამიანია. თქვენთვის მნიშვნელოვანია, რომ შექმნათ ბევრი დასამახსოვრებელი თარიღი და ყოველი დღე, დღესასწაულად აქციოთ. ამის საპირისპიროდ, ზოგადი საჩუქრები და მივიწყებული  თარიღები  სიყვარულის ნაკლებობით ან გადაღლით ხასიათდება.  სიყვარულის ეს ენა სულაც არ არის მატერიალისტური - ის შეიძლება იყოს ისეთივე მარტივი, როგორც ცუდი დღის შემდეგ საყვარელი საჭმლის მომზადება, ანუ „ჩუქება“.

4. დრო და ყურადღება

არაფერი გამოხატავს სიყვარულს ისე, როგორც ყურადღება. მაგალითად, როდესაც თქვენი პარტნიორი ნამდვილად თქვენს გვერდით იმყოფება და არ უყურებს მის ტელეფონს.  ეს გაგრძნობინებთ თავს მნიშვნელოვნად. შესაბამისად, თქვენთვის აუტანელია, როდესაც პარტნიორი არ გისმენთ ან კიდევ უარესი - ფიზიკურად არ იმყოფება თქვენს გვერდით.

5. ფიზიკური შეხება

ხელის ჩაკიდება, კოცნა, ჩახუტება და სხვა შეხება თქვენი საყვარელი გზაა სიყვარულის საჩვენებლად და მისაღებად. სათანადო შეხება გადმოსცემს სითბოს და უსაფრთხოებას, ხოლო ფიზიკურმა უგულებელყოფამ შეიძლება განხეთქილების ბზარი გააჩინოს თქვენსა და თქვენს პარტნიორს შორის.

მნიშვნელოვანია იცოდეთ, თუ რა არის თქვენი და თქვენი პარტნიორის სიყვარულის ენა:

უმეტეს ჩვენგანს ერთი ან ორი განსხვავებული სიყვარულის ენა აქვს. თუ თქვენ გამოხატავთ თქვენს სიყვარულს სასურველი სასიყვარულო ენით  და ეს ენა არ ემთხვევა პარტნიორის ენას, დიდია შანსი, რომ ის შეუმჩნეველი დარჩეს .

მაგალითად: თუ კი თქვენი სიყვარულის ენა საჩუქრების გაცემაა და ხშირად „აოცებთ“ თქვენს პარტნიორს გააზრებული საჩუქრებით, ის კი უემოციოდ ათვალიერებს მას, დიდი შანსია ამის გაკეთების სურვილი  აღარ გაგიჩნდეთ. საპირწონედ კი,  პარტნიორის სასიყვარულო ენა მეტი დროის დათმობა და ყურადღებაა, ეს ყველაფერი კი ორ სხვადასხვა ენაზე საუბარს ჰგავს და ერთმანეთისგან გაუცხოებას იწვევს.

ერთმანეთისთვის სასურველ ენაზე ლაპარაკის სწავლამ შეიძლება მკვეთრად გააძლიეროს თქვენი ურთიერთობა და სიყვარული სრულყოფილი გახადოს.