მიუხედავად იმისა, რომ ზაფხული შვებულების სინონიმია, ბევრი ჩვენგანი ზაფხულში მოგზაურობას ვერ ახერხებს. მაგრამ გული არ დაიწყვიტოთ, ზოგი ქალაქი შემოდგომაზე კიდევ უფრო მომხიბვლელია. მაგალითად, პარიზი, რომი და ბარსელონა, სექტემბრისა და ოქტომბრის ფერებში სრულიად ახალ სიცოცხლეს იძენენ. ამიტომ, იფიქრეთ შემოდგომის თავგადასავლებზე და დაგეგმეთ თქვენი დამსახურებული დასვენება!

1. პარიზი

ცნობილი როგორც "სინათლის ქალაქი", პარიზი შემოდგომაზე განსაკუთრებულ მიმზიდველობას იძენს. როდესაც ფოთლები იწყებენ ფერის შეცვლას, ქალაქი თვალწარმტაც პეიზაჟად გადაიქცევა. გაისეირნეთ მდინარე სენას გასწვრივ, დატკბით ტიულრის ბაღების ოქროს ფერებით და ჩაისუნთქეთ შემოდგომის თბილი ჰაერი. ეწვიეთ საკულტო ღირსშესანიშნაობებს, როგორიცაა ეიფელის კოშკი და ლუვრის მუზეუმი - ზაფხულის თვეებში ხომ ამ ადგილების მონახულება, ხალხმრავლობის გამო ნამდვილად გაგიჭირდებათ. საღამოობით კი მიირთვით ახლად გამომცხვარი კრუასანი და ჭიქა კაპუჩინო. ეს გემრიელობები ხომ ყველაზე მეტად შემოდგომის გრილ საღამოებს უხდება! ეს თვეები შესანიშნავი დროა პარიზის რომანტიკული გამოცდილების მისაღებად.

საქართველოდან ყველაზე ხელმისაწვდომ ფასად, პარიზს, რა თქმა უნდა, Wizz Air-თან ერთად მოინახულებთ. მაგალითად, ოქტომბრის თვეში, Wizz Discount Club-ის წევრებისთვის ქუთაისი-პარიზი და პარიზი ქუთაისი რეისებზე, ორივე ბილეთის ფასი, მხოლოდ 490 ლარია. თუ გვენდობით, ამაზე უკეთეს შეთავაზებას, ნამდვილად ვერ ნახავთ!

2. რომი

მარადიული ქალაქი შემოდგომაზე სხვა ხიბლს იძენს. ზაფხულის დამთრგუნველი სიცხე კლებულობს, რაც კიდევ უფრო სასიამოვნოს ხდის ისტორიული ქუჩებისა და უძველესი ნანგრევების დათვალიერებას. შემოდგომის ნათელი ფერები ჯადოსნურ ელფერს მატებს ცნობილ ღირსშესანიშნაობებს - კოლიზეუმს, პანთეონსა და ტრევის შადრევანს. მიირთვით ავთენტური იტალიური სამზარეულო ადგილობრივ ტრატორიებში, გოგრის რავიოლი და წაბლის დესერტები - მათი დაგემოვნება ხომ ზაფხულის თვეებში, უბრალოდ შეუძლებელია. მდიდარი ისტორიითა და არქიტექტურული საოცრებებით სავსე რომი, შემოდგომაზე მართლაც მომხიბვლელ გამოცდილებას გპირდებათ.

თუ ფიქრობთ, რომ რომში მოგზაურობა ძვირადღირებული გამოცდილებაა, ძალიან ცდებით! ავიაკომპანია Wizz Air, ოქტომბრის თვეში, მარადიული ქალაქის ბილეთებს, ქუთაისი-რომის და რომი-ქუთაისის რეისებზე, 520 ლარად გთავაზობთ. აქ უნდა დავაზუსტოთ - ეს ფასი ორივე გზას მოიცავს.

3. ბარსელონა

განსაცვიფრებელი არქიტექტურის, ცოცხალი კულტურისა და ულამაზესი პლაჟების შერწყმით, ბარსელონა მიმზიდველია წელიწადის ნებისმიერ დროს. თუმცა, შემოდგომაზე ქალაქი სხვა ხასიათს იძენს. ზაფხულის მცხუნვარე სიცხე ადგილს უთმობს მსუბუქ ტემპერატურას, რაც იდეალური კლიმატია გოთური კვარტლის შესასწავლად, ცოცხალ ლა რამბლაზე სეირნობისა და გაუდის შედევრებით ტკბობისთვის. ამ სეზონზე ქალაქის აქტიური ღამის ცხოვრება გრძელდება, თანაც, ნაკლები ხალხმრავლობითა და უფრო სასიამოვნო ატმოსფეროთი. დატკბით უგემრიელესი ტაპასებით, დალიეთ ადგილობრივი ღვინოები და ჩაიძირეთ ბარსელონას მიმზიდველ ენერგიაში შემოდგომაზე.

შთამბეჭდავ ბარსელონაში, ყველაზე კარგ ფასად ქუთაისიდან გაფრინდებით. ოქტომბრის მიწურულს, Wizz Air-ზე ორივე გზის ბილეთს, 474 ლარად შეიძენთ.
დიახ, თქვენი ოცნების ასრულება, ასეთი ხელმისაწვდომია.




შეარჩიეთ თქვენი შემოდგომის ქალაქი, შეიძინეთ ბილეთები Wizz Air-ზე და ისიამოვნეთ დამსახურებული შვებულებით!