თუ 2023 წელი სწრაფად მირბის, თქვენ კი საახალწლო სურვილები ჯერ კიდევ განუხორციელებელი დაგრჩათ, ამის გამო თავს ცუდად ნუ იგრძნობთ - ადამიანების ძალიან დიდ ნაწილს იგივე გამოცდილება აქვს. თქვენს მსგავსად, არაერთმა ადამიანმა დაგეგმა საახალწლო სურვილების თუ გეგმების შესრულება, მაგრამ ამაოდ და უშედეგოდ.

• დრო ბევრია

ჩვენ ხშირად თავს ვიტყუებთ იმ მოტივით, რომ თითქოს ველოდებით რაიმე განსაკუთრებულ, ან მნიშვნელოვან მომენტს, რათა თავიდან დავიწყოთ რაიმე ახალი და მნიშვნელოვანი. ამისთვის ხან ორშაბათს ველოდებით, ხან ახალი წლის დაწყებას და ა. აშ. მიზეზები არა და არ გველევა. თუმცა ეს ძალიან მყიფე და უსუსური მიზეზებია. ყველაფერი, რაც თქვენ გჭირდებათ არის ცვლილების და ახალი გეგმების განხორციელების სურვილი.
მერე რა, თუ ახალმა წელმა უკვე ჩაიარა? არასდროს არის გვიან დაიწყოთ თქვენი მიზნების განხორციელება. ყოველი დღე ახალი წელია!

• გახსოვდეთ თქვენი მიზნები

ყოველთვის გახსოვდეთ თქვენი მიზნები და სურვილები. მათ შეუძლიათ თავი დამნაშავედ გვაგრძნობინონ, თუკი დასახულ მიზანს ვერ მივაღწიეთ. შეადგინეთ გეგმა და ფოკუსირდით ერთ კონკრეტულ სურვილზე. ასე მაგალითად, შეგიძლიათ ფოკუსირება მოახდინოთ ვარჯიშზე, დიეტაზე, ახალ ბიზნეს გეგმაზე, ახალი უნარების შეძენაზე.

• იყავი თანმიმდევრული

დაიწყეთ მარტივით! თუ თქვენ სირბილი არასდროს გიცდიათ, მაშინ პირველივე ცდაზე დღეში ერთი საათის გარბენას ვერ შეძლებთ. სასურველია ყოველდღე დაიწყოთ 5-5 წუთით. თქვენ უნდა იპოვოთ გზა და უნარი, გახდეთ თანმიმდევრული და მიზანდასახული. დაიწყეთ მარტივიდან და აუცილებლად გადალახავთ სირთულეებსაც.

• გახსოვდეთ, არასდროს არის გვიან

არასდროს არის გვიან რაიმე ახალი და პოზიტიური წამოიწყოთ. საერთოდ არანაირი მნიშვნელობა არ აქვს რომელი თვეა კალენდარზე, სექტემბერი, დეკემბერი თუ ივლისი. თქვენ ყოველთვის შეგიძლიათ ცხოვრების სტილის და ხარისხის  გაუმჯობესება. არც იმას აქვს მნიშვნელობა, რამდენი წლის ხართ - ცხოვრების პოზიტიური გეზის აღება არასდროს არის გვიანი. ჩვენ ხშირად გვზღუდავს ხან ასაკი, ხან საზოგადოებრივი აზრი, რომ უკვე გვიანია... და რატომღაც, ხშირად გვავიწყდება, რომ მთავარია ცდა და მონდომება. თუ ვეცდებით ბრძოლას, მოქმედებას, შედეგიც აუცლებლად დადგება.

• იყავით მოტივირებული

თუ ნამდვილად გსურთ დასახული მიზნის მიღწევა, იყავით მოტივირებული. დაფიქრდით, რატომ გსურთ ამ მიზნის მიღწევა? როგორი იქნება თქვენი ცხოვრება ამ მიზნის მიღწევის შემდეგ. იფიქრეთ იმაზე მთლიანად შეცვლით თქვენს ცხოვრებას, თუ ნაწილობრივ. იმოქმედეთ პატარ-პატარა, მაგრამ გონიერი ნაბიჯებით. მეტი დრო დაუთმეთ თქვენს ფიქრებს და იზეიმეთ საკუთარ თავთან სულ მცირე წარმატების მიღწევაც კი.

• გიყვარდეთ საკუთარი თავი

თანაბრად მნიშვნელოვანია იყოთ თანმიმდევრული და ამავე დროს კეთილგანწყობილიც საკუთარი თავის მიმართ.
დგება ხოლმე დღეები, როცა უბრალოდ ავად ხართ, ან თავს უსუსურად და გამოფიტულად იგრძნობთ, ამის აღიარება ყოველთვის აუცილებელი და კარგია. ხანდახან დაკარგავთ გზა-კვალს, მაგრამ არ იფიქროთ, ყველაფერი დასრულდა, ესეც ნორმალურია.

საკუთარ თავში დანაშაულის და სირცხვილის გრძნობის ძიება ხელს შეგიშლით წინსვლაში და დასახული მიზნის მიღწევაში. მიიღეთ საკუთარი თავი ისეთი, როგორიც ხართ, არასდროს შეწყვიტოთ მოქმედება და შედეგიც არ დააყოვნებს.