ზოგიერთი ადამიანი იბადება იმისთვის, რომ იყოს რიგითი თანამშრომელი, ბევრი კი დაბადებიდან მოწოდებულია იყოს ხელმძღვანელი. თუ გაინტერესებთ, ხართ თუ არა მოწოდებით ლიდერი, ამის გარკვევაში ჩვენ დაგეხმარებით.

ლიდერისთვის საჭიროა თვითშემეცნება, უწყვეტი სწავლა და ისეთი საბაზისო უნარების განვითარება, როგორიცაა ეფექტური კომუნიკაციის უნარი, ემოციური ინტელექტი, სტრატეგიული აზროვნება, სწორი გადაწყვეტილების მიღების უნარი, სხვებისთვის მაგალითის მიცემა და მოტივაციის ამაღლება. ლიდერები გამოირჩევიან ვერბალური თუ არავერბალური კომუნიკაციით, გაჩნიათ თანაგრძნობა, აქვთ მკაფიო ხედვა, იღებენ სწორ გადაწყვეტილებებს და  შთააგონებენ თავიანთ გუნდს.

1. ეფექტური კომუნიკაციის უნარი

თქვენ შესანიშნავი ლიდერი ხართ, თუ შეგიძლიათ თქვენი იდეების მკაფიოდ გადმოცემა, ყურადღებით მოსმენა და თქვენი კომუნიკაციის სტილის ადაპტაცია სხვადასხვა აუდიტორიასთან, რაც ხელს უწყობს გუნდში ჯანსაღი კომუნიკაციის დამყარებას.

2. ემოციური ინტელექტი

ლიდერებს აქვთ მაღალი ემოციური ინტელექტი, რაც უპირველესად გულისხმობს თანაგრძნობას. მათ შეუძლიათ კოლეგებთან ახლო კავშირის დამყარება, ემოციების ამოცნობა და მართვა.

3. სტრატეგიული აზროვნება

ლიდერებს აქვთ მკაფიო ხედვა იმის შესახებ, თუ როგორ სურთ წარმართონ თავიანთი გუნდი ან ორგანიზაცია. მათ შეუძლიათ დასახონ გრძელვადიანი მიზნები, შეიმუშაონ სტრატეგიები მათ მისაღწევად და შთააგონონ სხვები იმუშაონ საერთო მიზნისა და ხედვისკენ.

4. გადაწყვეტილების მიღების უნარი

ლიდერები ხშირად რთული გადაწყვეტილების წინაშე დგებიან, მათ შეუძლიათ სწორი და დროული გადაწყვეტილებების მიღება. ისინი წონიან დადებით და უარყოფით მხარეებს, ითვალისწინებენ გრძელვადიან შედეგებს და არ ეშინიათ მოსალოდნელი რისკების, ამიტომ ზოგჯერ ხისტი ნაბიჯის გადადგმაც უწევთ. მზაობა აიღოს პასუხისმგებლობა მიღებულ გადაწყვეტილებაზე, ძლიერი ლიდერის უმთავრესი ნიშანია.

5. პირადი მაგალითით ხელმძღვანელობა

პირადი მაგალითით ხელმძღვანელობა ლიდერობის ფუნდამენტური პრინციპია. თქვენ არა მხოლოდ საუბრობთ ისეთ რამეებზე, რაც გსურთ რომ გააკეთონ გუნდის წევრებმა, არამედ ამას უმტკიცებთ პირადი მაგალითით, აძლევთ ნიმუშს, რათა მათაც იმავენაირად გააკეთონ. ეს იწვევს ნდობას და ურთიერთპატივისცემას.

6. სხვების მოტივირების უნარი

ძლიერ ლიდერს შეუძლია შთააგონოს და მოტივაცია აუმაღლოს გუნდს სრული პოტენციალის მისაღწევად. ისინი აღიარებენ ადამიანის როგორც ძლიერ, ისე სუსტ მხარეებს და უზრუნველყოფენ მის მხარდაჭერას საჭიროების დროს.

და ბოლოს, თუ თქვენ შეგიძლიათ შექმნათ პოზიტიური სამუშაო გარემო, რომელიც წაახალისებს შემოქმედებითობას, ინოვაციებს და თანამშრომლობას, მაშინ თქვენ გაქვთ ხელმძღვანელი პირის პოტენციალი და შანსი, გახდეთ ძლიერი ლიდერი.