შავი პარასკევი, შოპინგის სამყაროს ის მოვლენაა, რომელსაც ყოველწლიურად უამრავი ადამიანი ელოდება. საუკეთესო ფასდაკლებებისა და აქციების ძიებაში კი, ტექნოლოგიები ჩვენი შეუცვლელი ასისტენტია. წელს, შავი პარასკევი 29 ნოემბერს დადგება. უაღრესად კონკურენტულ გარემოში, ბრენდები და კომპანიები აქტიურად იყენებენ თანამედროვე ინსტრუმენტებს მყიდველების ყურადღების მისაპყრობად და ჩვენც, თავის მხრივ, სხვა არაფერი დაგვრჩენია, გარდა საუკეთესო შეთავაზებებით სარგებლობისა.

მოდით განვიხილოთ, თუ როგორ ეხმარებიან ტექნოლოგიები მომხმარებლებს შავი პარასკევისთვის მომზადებაში და ყველაზე საინტერესო, მომგებიანი შეთავაზებების პოვნაში.

უპირველეს ყოვლისა, მათთვის, ვისაც სურს მაქსიმალური სარგებელი მიიღოს,  ფასების შესადარებელი აპლიკაციები შეუცვლელი ინსტრუმენტია. ასეთი პლატფორმები, საშუალებას გაძლევთ სწრაფად იპოვოთ ინფორმაცია ფასდაკლებების შესახებ სხვადასხვა მაღაზიებში და შეაფასოთ რომელი მათგანი გთავაზობთ ყველაზე ხელსაყრელ პირობებს.

გარდა ამისა, ბევრი სავაჭრო ობიექტი იყენებს ხელოვნური ინტელექტის შესაძლებლობებს, რათა შემოგთავაზოთ პერსონალიზებული პროდუქტები და ფასდაკლებები თქვენი პრეფერენციებისა თუ შესყიდვების ისტორიის საფუძველზე. ამიტომ, თვალი მიადევნეთ მეილებსა და სმს-ებს.

შავი პარასკევის ფასდაკლებებისა თუ სპეციალური შეთავაზებების შესახებ ინფორმაციის სწრაფად და ეფექტურად მისაღებად, ასევე, კარგი ვერსიაა მესენჯერების გამოყენება. მაგალითად, სხვადასხვა მაღაზიები და ონლაინ ფეიჯები, ხშირად აგზავნიან  შეტყობინებებს უნიკალური შეთავაზებებითა თუ პრომო კოდებით, რაც მომხმარებელს საშუალებას აძლევს, გაეცნონ ყველა მიმდინარე ფასდაკლებას რეალურ დროში. ჩატბოტები კი, რომლებიც გვთავაზობენ დახმარებას პროდუქტების პოვნასა და კითხვებზე პასუხის გაცემაში, სავაჭრო პროცესს კიდევ უფრო ამარტივებენ.

გარდა ამისა, ისეთ პოპულარულ მესენჯერებში, როგორებიცაა Viber და Telegram, შეგიძლიათ იპოვოთ უამრავი თემატური ჩატი, სადაც მომხმარებლები ერთმანეთს უზიარებენ ინფორმაციას არა მხოლოდ ფასდაკლებების, არამედ პროდუქტის შესახებაც.

ურთიერთობის ეს ფორმატი კი ქმნის საზოგადოებას, სადაც მომხმარებლებს შეუძლიათ გააზიარონ სასარგებლო ინფორმაცია და მარტივად აღმოაჩინონ შავი პარასკევის საუკეთესო შეთავაზებები. მესენჯერები, ასევე დაგეხმარებათ შექმნათ სურვილების სია, რაც ძალიან გამოგადგებათ შავი პარასკევის სამზადისში.

მაგალითად, Viber-ში არსებობს ჩატი საკუთარ თავთან - „My Notes”, სადაც შეგიძლიათ შეინახოთ სასარგებლო ბმულები, რეკომენდაციები, ფოტოები, ასევე მოამზადოთ სასურველი ნივთების სია და მონიშნოთ მათი შეძენის სტატუსი. ასე რომ, ყველაფერი, რისი ყიდვაც გჭირდებათ, ყოველთვის თქვენს ხელთ  - ამ შემთხვევაში კი, მესენჯერში იქნება.

დამატებით, გახსოვდეთ, რომ აქციებისა და გაყიდვების პოპულარიზაციისთვის აქტიურად გამოიყენება სოციალური ქსელები. ბრენდები განსაკუთრებულ ყურადღებას აქცევენ ვიზუალურ შინაარსს და ინტერაქტიურ ფორმატს, რაც მომხმარებლებს საშუალებას აძლევს ადვილად გააზიარონ თავიანთი აღმოჩენები და მიიღონ რეკომენდაციები მეგობრებისა თუ ნაცნობებისგან.

და ბოლოს, არ დაივიწყოთ ონლაინ პლატფორმების მიერ შექმნილი შესაძლებლობები - პროდუქტების შედარებებისა და მომხმარებლების შეფასებების გაცნობა. ერთი დაწკაპუნებით გადახდის შესაძლებლობა კი, შოპინგის არამარტო მოსახერხებელს, არამედ უსაფრთხოსაც ხდის.

ასე რომ, შავი პარასკევი მხოლოდ ფასდაკლების დღე კი არ არის, არამედ ბრენდებსა და მომხმარებლებს შორის კომუნიკაციის მთელი ეკოსისტემა, რომელიც ტექნოლოგიებისა და მესენჯერების დახმარებითაა შექმნილი. გამოიყენეთ ყველა ხელმისაწვდომი ინსტრუმენტი და ტექნოლოგია, რათა იპოვოთ თქვენთვის საუკეთესო შეთავაზებები და ისიამოვნოთ გონივრული შოპინგის პროცესით.