პენისის მგრძნობელობის დაქვეითება შეიძლება გამოწვეული იყოს სხვადასხვა ფაქტორით, მათ შორის ნერვული დაბოლოებების გადაღლილობით, სისხლის ცუდი მიმოქცევით, ჰორმონული დისბალანსით ან ქრონიკული დაავადებებით. ეს პრობლემა ხშირად სექსუალურ ცხოვრებაზე აისახება, რაც მამაკაცის თავდაჯერებულობას დაბლა სწევს. პრობლემის თავიდან აცილების მიზნით სასურველია მიმართოთ კომპლექსურ მიდგომას.

როდის მივმართოთ ექიმს?

თუ მგრძნობელობის დაქვეითება გრძელდება 2-3 კვირაზე მეტ ხანს და თან ახლავს სხვა სიმპტომები (სექსუალური დისფუნქცია, ტკივილი, გაღიზიანება), აუცილებელია უროლოგთან ან ენდოკრინოლოგთან კონსულტაცია.

რა იწვევს პენისის მგრძნობელობის დაქვეითებას?

სწრაფი და ხშირი მასტურბაცია („მკვდარი ხელის სინდრომი“)
ძლიერი ზეწოლა მასტურბაციისას ნერვულ დაბოლოებებს ადაპტაციას აიძულებს, რაც რეალური სექსის დროს მგრძნობელობის დაქვეითებას იწვევს. პრობლემის თავიდან ასაცილებლად მინიმუმ 1-2 კვირით შეწყვიტეთ მასტურბაცია, ან შეცვალეთ ტექნიკა, გამოიყენეთ რბილი და ბუნებრივი მოძრაობები.

სისხლის ცუდი მიმოქცევა - ნერვული დაბოლოებების სწორი ფუნქციონირებისთვის აუცილებელია სისხლის კარგი მიმოქცევა. ამის მიზეზები შესაძლოა არასაკმარისი ფიზიკური აქტიურობა, სისხლძარღვთა პრობლემები, მოწევა, ან  ალკოჰოლის ჭარბი მოხმარება იყოს.

სასურველია რეგულარული ფიზიკური აქტივობა, გულ-სისხლძარღვთა ჯანმრთელობის მონიტორინგი და მავნე ჩვევების შემცირება.

ჰორმონალური ცვლილებები - დაბალი ტესტოსტერონის დონე იწვევს მგრძნობელობის შემცირებას. ტესტოსტერონი იკლებს ასაკის მატებასთან, სტრესთან, სიმსუქნესთან და არასრულფასოვან კვებასთან ერთად.



საჭიროების შემთხვევაში მიმართეთ სპეციალისტს; შეცვალეთ კვების და ცხოვრების ზოგადი წესები.

ნერვული სისტემის დაავადებები და დიაბეტი, გაფანტული სკლეროზი და პარკინსონის დაავადება უარყოფითად მოქმედებს ნერვულ სისტემაზე და შეიძლება საგრძნობლად შეამციროს პენისის მგრძნობელობაც.

აუცილებელია ექიმთან კონსულტაცია და შესაბამისი მკურნალობა.

ველოსიპედის ხშირი ტარება ან უხერხულ პოზაში ჯდომა შეიძლება ზეწოლას ახდენდეს სასქესო ორგანოს მიმდებარე ნერვებზე და სისხლძარღვებზე.

როგორ აღვიდგინოთ პენისის მგრძნობელობა?

სწორი მასტურბაციის ტექნიკა - შეამცირეთ მჭიდრო მოჭერა მასტურბაციისას და მეტი ყურადღება მიაქციეთ რბილ და ბუნებრივ მოძრაობებს.

სისხლის მიმოქცევის გაუმჯობესება რეგულარული ვარჯიში - (განსაკუთრებით კეგელის ვარჯიშები).

ცხიმიანი საკვების, ნიკოტინის და ალკოჰოლის შეზღუდვა.
ჰორმონების კონტროლი - ტესტოსტერონის ანალიზი და საჭიროების შემთხვევაში მისი ბუნებრივი დონის ამაღლება.
ნერვული სისტემის გაძლიერება და ძილის რეჟიმის მოწესრიგება (7-8 საათი ღამეში).

სტრესის მართვა - ქრონიკული სტრესი და შფოთვა უარყოფითად მოქმედებს სექსუალურ მგრძნობელობაზე.

გაითვალისწინეთ! პენისის მგრძნობელობის დაქვეითება ხშირად ცხოვრების წესთან არის დაკავშირებული, ამიტომ დროულად მიმართეთ სპეციალისტს, ნუ ჩაიტარებთ თვითმკურნალობას!