მისტიკური პლანეტა კეტუ - გაინტერესებთ ვინ იყავით წარსულ ცხოვრებაში?
- 17.03.2025

ადამიანის ცხოვრებასა და ბედზე გავლენას მრავალი სიტუაცია, მოვლენა თუ ფაქტორი ახდენს, რაც ხშირად ჩვენი კონტროლის მიღმაა. ერთ-ერთი მათგანია პლანეტა კეტუ, რომელიც, ასტროლოგების აზრით, ადამიანის ცხოვრებაში ბევრ მნიშვნელოვან მოვლენას განსაზღვრავს.
კეტუ უზარმაზარ როლს თამაშობს თითოეული ადამიანის ბედში, ის არის ანარეკლი იმისა, რაც მოხდა ჩვენს წარსულ ცხოვრებაში და რაც იმალება ჩვენს ქვეცნობიერში.
TREND დაგეხმარებათ გაარკვიოთ ვინ იყავით წარსულ ცხოვრებაში თქვენი ზოდიაქოს ნიშნის მიხედვით.
კეტუ ვერძში
წარსულ ცხოვრებაში თქვენ ლიდერი იყავით, ან სულაც სამხედრო მეთაური. არასოდეს მიდიოდით კომპრომისზე და ამიტომაც გაბედულად მიაღწიეთ დასახულ მიზნებს. წინა ცხოვრებაში მიღებული გამოცდილება ახლა გადაიქცა ენერგიად ახალი მიღწევებისთვის.
კეტუ კუროში
წარსულ ცხოვრებაში შემოქმედებითი ადამიანი იყავით, ხელოვნების ოსტატი. დღესაც გიყვართ პრობლემებისადმი კრეატიული მიდგომების პოვნა. ნუ შეაჩერებთ ენერგიის ნაკადს, მოძებნეთ გამოვლინების ახალი წყაროები.
კეტუ ტყუპებში
წინა ცხოვრებაში თქვენ ბრძენი იყავით. თქვენი სიტყვები ბევრისთვის მხარდაჭერა და სიძლიერე იყო. ახლაც კარგად იცით, როგორ დაუკავშირდეთ ადამიანებს, როგორ დაარწმუნოთ და მიიყვანოთ ისინი გონივრულ გადაწყვეტილებამდე.
კეტუ კირჩხიბში
თქვენ იკავებდით ოჯახის უფროსის თანამდებობას, უძღვებოდით მრავალშვილიან ოჯახს უსაფრთხოდ, ახლობლები თავს კომფორტულად გრძნობდნენ თქვენს გვერდით. ახლაც თქვენ ოჯახის ნამდვილი ბურჯი ხართ.
კეტუ ლომში
ძველ ცხოვრებაში თქვენ მედიდური ბუნების გამო, სავარაუდოდ სამეფო ოჯახის წარმომადგენელი იყავით. თქვენი წინა ცხოვრებისეული ნიჭი ხალხისთვის მნიშვნელოვანი და შთამაგონებელი აზრების გადაცემა და მათი მოტივაციის ამაღლებაა. წინა ცხოვრებაშიც და ახლაც, დაუღალავად იბრძვით უსამართლობის წინააღმდეგ და ამ გზაზე ნებისმიერი წინაღობის გადასალახავად მზად ხართ.
კეტუ ქალწულში
თქვენ დეპრესიული იყავით და დიდხანს ეძებდით საკუთარ თავს, ამან გასწავლათ გაგეანალიზებინათ რა ხდებოდა თქვენს თავს და სწრაფად მიგეღოთ გადაწყვეტილებები. ახლაც ნუ გაგიტაცებთ თვითკრიტიკა, რათა ისევ არ დაკარგოთ საკუთარი თავი.
კეტუ სასწორში
თქვენი მისია იყო მსოფლიოში წესრიგის უზრუნველყოფა და შენარჩუნება. ადამიანები გიყურებდნენ, როგორც სიბრძნისა და ჭეშმარიტების განსახიერებას. თქვენ დღესაც მოგმართავენ ახლობლები რჩევისთვის და დახმარებისთვის.
კეტუ მორიელში
წარსულში გიყვარდათ პირადი ცხოვრების მოგვარება, შესაძლოა, მაგიასა და ჯადოქრობასაც კი მიმართეთ. ამის გაგრძელებას ახლა აღარ გირჩევთ, სჯობს ისწავლოთ ღიად და პატიოსნად ცხოვრება.
კეტუ მშვილდოსანში
ექსპერიმენტებითა და დაკვირვებით სწავლობდით სამყაროს. თქვენთვის ყველაფერი უცნობი და მიმზიდველი იყო და სულაც არ გაშინებდათ სიახლეები. აღმოჩენის სურვილი დღემდე დაუოკებელი გაქვთ.
კეტუ თხის რქაში
ადრე, შესაძლოა, საკმაოდ მკაცრი მეთოდებით ხელმძღვანელობდით. გინდოდათ ხალხის კონტროლი, მათზე ძალაუფლება. ახლა კი დროა ისწავლოთ იყოთ უფრო კეთილი და შემწყნარებელი სხვების მიმართ.
კეტუ მერწყულში
მთელი ძალით ცდილობდით გამხდარიყავით რევოლუციონერი, პიონერი. არ გეშინოდათ რადიკალური ცვლილებების. გირჩევთ დღესაც არ დამალოთ თქვენი იდეები, პირიქით, უფრო ხშირად გაუმხილეთ ისინი მსოფლიოს.
კეტუ თევზებში
თქვენ ხელმძღვანელობდით მოვალეობის გრძნობით და ცდილობდით ყოფილიყავით საყრდენი სხვებისთვის. შეცვალეთ ეს დამოკიდებულება და ისწავლეთ საკუთარი თავის დაფასება და საკუთარ თავზე ზრუნვა სხვებზე ზრუნვის ნაცვლად.
თემები: ზოდიაქო, ასტროლოგია, მისტიკური