ჩვენ გეტყვით, როგორ და რა გზით უნდა აფრქვევდეთ სასიამოვნო არომატს, რომელიც თქვენს საყვარელ ადამიანს მაგნიტივით მიიზიდავს.

დაამატეთ ზეთები აბაზანაში

მოგწონთ თბილ, ქაფიან აბაზანაში წოლა? ბანაობისას წყალში ყოველ ჯერზე ლავანდის ან ციტრუსის ეთერზეთის რამდენიმე წვეთი დაამატეთ. მისი წყალობით თქვენი კანი სასიამოვნო არომატით იქნება გაჯერებული და თქვენს პარტნიორს გაუჩნდება განცდა, თითქოს თქვენ ეს-ესაა ძვირადღირებული სპა ცენტრიდან მოხვედით.

იპკურეთ სუნამო თმაზე

დაასხით სუნამო სავარცხელზე და რამდენჯერმე გაივლეთ სუფთა თმაზე. ასეთი რიტუალის შემდეგ თმა დიდხანს შეინარჩუნებს სასიამოვნო და არომატს.

წაისვით სუნამო „თბილ“ ადგილებზე

მაჯები, იდაყვები, ყურების უკან და მუხლებიც კი იდეალური ადგილებია სუნამოს წასმისთვის. ასეთ "თბილ" წერტილებში ის უკეთ იხსნება და დიდხანს ინარჩუნებს თავის თვისებებს.

სასიამოვნო სურნელი კარადაში

ტანსაცმლის რეგულარულად რეცხვა საუკეთესო საშუალებაა მათი სისუფთავის შესანარჩუნებლად, თუმცა არსებობს სურნელის გამაძლიერებლები, რომლებიც შეიძლება დაემატოს თქვენს სარეცხს და ხანგრძლივად გაყვეს სურნელი. ასევე შეგიძლიათ კარადაში დაკიდოთ გამხმარი ლავანდას ტოტი, ან სპეციალურად კარადისთვის გამზადებული კუბურები სხვადასხვა არომატით. დროთა განმავლობაში ნივთები ამ არომატით გაიჟღინთება და ტანსაცმელზე სასიამოვნო სურნელს დატოვებს.

დაიტენიანეთ კანი სურნელოვანი საცხებით

თუ მოგწონთ სხეულზე ლოსიონის, კრემის ან ზეთის სურნელი და გსურთ მისი არომატის გახანგრძლივება, წაისვით ახალდაბანილ, ნოტიო კანზე, ასე უფრო დიდხანს შეინარჩუნებთ სასიამოვნო სურნელს.

ყოველდღიურად მიიღეთ შხაპი

რა სიხშირით მიიღოთ შხაპი, დამოკიდებულია თქვენი კანის ტიპზე, აქტივობის დონესა და პრეფერენციებზე. თუმცა, პირადი ჰიგიენისა და თქვენივე თავდაჯერებულობისთვის მიიღეთ შხაპი ყოველდღიურად, ყურადღება გაამახვილეთ სხეულის იმ ნაწილებზე, სადაც ყველაზე მეტი საოფლე ჯირკვლებია, ხოლო დაბანის შემდეგ გამოიყენეთ დეოდორანტი, უპირატესობა მიანიჭეთ უსუნო საშუალებებს.