Wizz Air-მა, ევროპის, ახლო აღმოსავლეთისა და აფრიკის ეკოლოგიურად ყველაზე მდგრადმა ავიახაზებმა, 2 აპრილს წარადგინა "Customer First" ტრანსფორმაციის გეგმა, რომელიც მომხმარებელთა გამოცდილების გაუმჯობესებას ისახავს მიზნად. ამ გეგმის ფარგლებში, Wizz Air -ი აამოქმედებს Customer First Compass-ს – ჩარჩოს, რომელიც უზრუნველყოფს, რომ ყველა ოპერაცია მომხმარებელზე იყოს ორიენტირებული.

ავიაკომპანია მომდევნო სამი წლის განმავლობაში 14 მილიარდი ევროს ღირებულების ინვესტიციას განახორციელებს, რათა გააუმჯობესოს მგზავრთა გამოცდილება და უზრუნველყოს მეტი კომფორტი, ხელმისაწვდომობა და მაღალი დონის, შეუფერხებელი სერვისი.

Customer First Compass-ი ეფუძნება ოთხ ძირითად კომპონენტს – პროდუქტი, ფასი, მომსახურება და კომუნიკაცია – და განსაზღვრავს Wizz Air-ის სამომავლო მიმართულებასა და განახლებულ ვალდებულებას მომხმარებლების წინაშე. ეს მოიცავს ინვესტიციებს უახლეს ტექნოლოგიებში, საიმედოობის გაზრდასა და მომხმარებელთა გაძლიერებულ მხარდაჭერას. ტრანსფორმაცია მნიშვნელოვან ცვლილებას წარმოადგენს ავიაკომპანიის მომსახურების სტანდარტებში.

Wizz Air-ის Customer First Compass-ი თითოეული მგზავრობისთვის
ტრანსფორმაციული მიდგომა ოთხ ძირითად კომპონენტს ეფუძნება:

პროდუქტი

Wizz Air-ის ერთ-ერთ მთავარ მიმართულებად რჩება ინოვაციური მგზავრობის შესაძლებლობების შეთავაზება, სწორედ ამ მიზანს ემსახურება ფლოტში 300-ზე მეტი ახალი თვითმფრინავის დამატება, რომლებიც აღჭურვილია უახლესი Airspace კაბინით. კომპანია ოპერირებს ინდუსტრიის ერთ-ერთი ყველაზე ახალი, უსაფრთხო და ეკოლოგიურად მდგრადი ავიაფლოტით. ევროპაში, აფრიკაში, ცენტრალურ აზიაში, აღმოსავლეთ აზიასა და ახლო აღმოსავლეთში დაფარვის ზონის გაფართოებით, Wizz Air-ი კონცენტრირებულია მგზავრებისთვის ხელმისაწვდომი ფასის მქონე კონტინენტთაშორისი მოგზაურობის შეთავაზებაზე Airbus A321 XLR თვითმფრინავის მეშვეობით. Wizz Air-ი 100%-ით ციფრული მიდგომით მომხმარებლებს სთავაზობს შეუფერხებელ პროცესს დაჯავშნიდან ჩასხდომამდე.

ფასი

დაბალი ტარიფები Wizz Air-ის მთავარი მახასიათებელია. ავიაკომპანია ცდილობს უზრუნველყოს ოპტიმალური ფასები, დამატებითი გადასახადების გარეშე. Wizz Discount Club-ითა და სხვა საწევრო პაკეტებით, ავიაკომპანია მგზავრებს კიდევ უფრო დიდი დანაზოგს შესთავაზებს, რათა ყველამ შეძლოს მოგზაურობის ბიუჯეტურად დაგეგმვა.

მომსახურება

ხარისხიანი მომსახურება ავიაკომპანიის პრიორიტეტია. Wizz Air-ი აუმჯობესებს საოპერაციო მიდგომებს, რათა მინიმუმამდე დაიყვანოს გაუქმებები და შეფერხებები, აგრეთვე, სწრაფად შესთავაზოს მგზავრებს გადაწყვეტები პრობლემების შემთხვევაში. კომპანიის ოპერაციების საკონტროლო ცენტრში ხელოვნური ინტელექტის უახლესი ტექნოლოგიების გამოყენებით, Wizz Air-ი ინარჩუნებს ინდუსტრიის წამყვან მაჩვენებელს – 99.5%-ს.  ავიაკომპანიის ვირტუალური ასისტენტი Amelia მუდამ მზად არის დაუკავშირდეს მგზავრებს განახლებული ინფორმაციითა და რჩევებით. შეფერხების შემთხვევაში, საჩივრები დამუშავდება 7 დღის განმავლობაში, ხოლო ბილეთის საფასური დაბრუნდება 24 საათში.

კომუნიკაცია

Wizz Air-ი აუმჯობესებს მგზავრებისთვის ინფორმაციის ხელმისაწვდომობასა და კომუნიკაციის დონეს. ავიაკომპანია ანახლებს დახმარების ცენტრს და აუქმებს ძვირადღირებულ სატელეფონო ხაზს, სადაც ლოდინის საშუალო დრო ერთ წუთს არ აღემატება. ზაფხულში Wizz Air-ი ასევე დაამატებს MyJourney ფუნქციას მობილურ აპლიკაციაში, რომელიც მგზავრებს რეალურ დროში მიაწვდის განახლებებს. აპლიკაციის, ელფოსტის ან SMS-ის მეშვეობით, მომხმარებლები ყოველთვის იქნებიან ინფორმირებულნი დაგეგმილი მოგზაურობის სტატუსის შესახებ. Wizz Air-ის პოლიტიკა იქნება მკაფიო და გამჭვირვალე, რაც გაამარტივებს კომუნიკაციას ისევე როგორც ონლაინ, ასევე ფრენისას, ბორტზე.

ივონ მოინიჰანი, Wizz Air-ის კორპორატიული და ESG ოფიცერი:

„დღეს ჩვენ ვიწყებთ ახალ ეტაპს – წარვადგენთ Customer First Compass-ს, რომელიც ჩვენი ვალდებულების სიმბოლოა. ეს არ არის მხოლოდ სტრატეგია, არამედ ცვლილება იმისა, თუ როგორ ვფიქრობთ, ვმოქმედებთ და ვაწვდით სერვისს ჩვენს მომხმარებლებს. პროდუქტი, ფასი, მომსახურება და კომუნიკაცია – ეს ის სფეროებია, სადაც მომხმარებლები ყველაზე მეტად იგრძნობენ ცვლილებებს. ჩვენ უბრალოდ არ ვაუმჯობესებთ – ჩვენ ვნერგავთ ინოვაციებს, ვდებთ ინვესტიციას და გარდავქმნით სამგზავრო გამოცდილებას. ეს მხოლოდ დასაწყისია, ჩვენს მომხმარებლებს აუცილებლად გავუზიარებთ მეტ ინფორმაციას Customer First Compass-ის შესახებ.“
მეტი ინფორმაციისთვის, თუ რა მოლოდინები უნდა ჰქონდეთ მგზავრებს Wizz Air-ისგან, ეწვიეთ Customer First Compass-ის მიკროსაიტს.

Wizz Air-ის შესახებ

Wizz Air-ი ოპერირებს 231 Airbus A320 და A321 თვითმფრინავისგან შემდგარი ავიაფლოტით. ავიაციის ერთგული პროფესიონალების გუნდი გთავაზობთ უმაღლეს მომსახურებასა და ძალიან დაბალ ტარიფებს, რის გამოც Wizz Air-ი გახდა საუკეთესო არჩევანი 62,8 მილიონი მგზავრისთვის 2024 წელს. Wizz Air-ი განთავსებულია ლონდონის საფონდო ბირჟაზე WIZZ-ის სახელით. კომპანია სულ ცოტა ხნის წინ დასახელდა მსოფლიოში ყველაზე უსაფრთხო ავიაკომპანიების ხუთეულში airlineratings.com-ის, მსოფლიოში ერთადერთი უსაფრთხოებისა და პროდუქტების სარეიტინგო სააგენტოს მიერ. 2019 და 2023 წლებში Wizz Air-ი დასახელდა „წლის ავიაკომპანიად” ATA-ს მიერ. World Finance Sustainability Awards-ის ფარგლებში Wizz Air-ი აღიარეს, როგორც ყველაზე მდგრადი ავიაკომპანია 2021-2024 წლებში, ხოლო CAPA-Centre for Aviation Awards for Excellence-მა ავიაკომპანია დაასახელა, როგორც 2024 წლის „გარემოსდაცვითი მდგრადობის ავიახაზების ჯგუფი ევროპის, შუა აზიისა და აფრიკის რეგიონებში”.