რა არის მანტრა?

ყველაფერი იწყება ხმით და ვიბრაციით, მანტრა არის ყველაზე უწყვეტი შუქი, რომელსაც ადამიანი საკუთარ თავში პოულობს, რომელიც ანათებს იმ ადგილებში, სადაც მზე და მთვარე ვერ აღწევს, მისი ძალა გონების სრულ სიმშვიდეშია.

მანტრა მოკლე გალობაა უძველეს სანსკრიტულ ენაზე, რომელიც არ ითარგმნება, მას იყენებენ ენერგიის ასამაღლებლად, ნეგატიური ფიქრებისგან გასათავისუფლებლად და ხელს უწყობს პოზიტიური ენერგიის გენერირებას.
ჩვენ ზუსტად გეტყვით, თუ როგორ ებრძვის მედიტაცია შფოთვას და განვმარტავთ, თუ როგორ უნდა გამოთქვათ მანტრები სწორად საუკეთესო ეფექტის მისაღწევად.

როგორ ამცირებს მანტრა სტრესს?

თანამედროვე სამყარო ადგენს ცხოვრების წარმოუდგენლად სწრაფ ტემპს და ყველა სახის სტრესი ზრდის ორგანიზმში სტრესის ჰორმონის, კორტიზოლის დონეს. როდესაც ჩვენ ვიწყებთ მედიტაციას - ვაკეთებთ სუნთქვით ვარჯიშებს, ვამბობთ მანტრებს და ვუღრმავდებით საკუთარ თავს, კონცენტრირებულნი ვართ გრძნობებსა და ემოციებზე - იზრდება სეროტონინისა და დოფამინის დონე, რაც პოზიტიური ენერგიით გვავსებს.

გარდა ამისა, მედიტაციის დროს აქტიურდება პარასიმპათიკური ნერვული სისტემა, რაც ზრდის ჟანგბადის და სისხლის ნაკადს თავის ტვინის იმ მხარეში, რომელიც პასუხისმგებელია გადაწყვეტილებების მიღებაზე. შედეგად, ვთავისუფლდებით ზედმეტი ფიქრებისგან და გონებას ვასვენებთ.

როგორ გამოვთქვათ მანტრები სწორად?

დასაწყისისთვის, გამოყავით 10-15 წუთი მანტრებისთვის. შემდეგ შეიძლება გაიზარდოს მედიტაციების ხანგრძლივობა და რაოდენობა. აირჩიეთ დრო და ადგილი, სადაც არავინ შეგაწუხებთ, აუცილებლად დაიკავეთ კომფორტული პოზიცია და შეეცადეთ გაასუფთაოთ გონება ზედმეტი ფიქრებისგან, გრძნობებისგან და საზრუნავებისგან - ორიენტირდით მხოლოდ მანტრაზე და საკუთარი თავის "სიღრმეში" მოგზაურობაზე.

როგორც კი იპოვით შესაფერის მანტრას, დაიწყეთ მისი გამოთქმა თქვენთვის მოსახერხებელი სიჩქარითა და მოცულობით. შეგიძლიათ უბრალოდ მოუსმინოთ მანტრას ან, თუ გსურთ, შეგიძლიათ თავად იმღეროთ. ითვლება, რომ მანტრების გალობისას ვიბრაცია მთლიანად ფარავს სხეულს და საშუალებას აძლევს ადამიანს მაქსიმალურად დამშვიდდეს.