Wizz Air-ი, ევროპის, ახლო აღმოსავლეთისა და აფრიკის რეგიონების, 2025 წლის ყველაზე ეკომეგობრული ავიაკომპანია, ნერგავს ფრენის ახალ ტექნოლოგიებს მთელ ფლოტზე, რათა გააუმჯობესოს ფრენის გამოცდილება და გაზარდოს მგზავრების კომფორტი. ინოვაციები მოიცავს გონივრულ მარშრუტულ რეკომენდაციებს პილოტებისთვის და განვითარებულ სისტემებს, რომლებიც უკვე გამოიყენება Wizz Air-ის ყველა რეისზე.

2025 წლის მარტიდან Wizz Air-მა თავის მფრინავებს მიაწოდა StorkJet-ის ჭკვიანი სისტემა – FlyGuide FPO (Flight Path Optimization), რომელიც ხელოვნური ინტელექტის ალგორითმების საშუალებით აფასებს თვითმფრინავის რეალურ მონაცემებს და მუშაობს ოპტიმალური სიჩქარისა და სიმაღლის რეკომენდაციებზე ფრენის თითოეულ ეტაპზე — აფრენიდან დაშვებამდე. მფრინავები იღებენ პერსონალიზებულ მითითებებს ტაბლეტზე, რაც მათ ეხმარება მიიღონ უკეთესი გადაწყვეტილებები, გაზარდონ საწვავის ეფექტიანობა და შეამცირონ გამონაბოლქვი. 10 000-ზე მეტ საცდელ ფრენაზე დაფუძნებული შედეგებით, Wizz Air-მა შეძლო თითოეულ ფრენაზე საწვავის და CO₂-ის 0.5%–დან 1%-მდე შემცირება საფრთხის გარეშე.

StorkJet-ის აღმასრულებელი დირექტორი, რენატა ნიედზიელა:
„გვიხარია, რომ Wizz Air-თან ჩვენი ხანგრძლივი პარტნიორობა ახალ ეტაპზე გადადის. FlyGuide FPO მფრინავებს აძლევს მარტივ, კონკრეტული თვითმფრინავისთვის მორგებულ რეკომენდაციებს სიჩქარისა და სიმაღლის შესახებ, რაც იწვევს ეფექტიანობას საწვავის მოხმარებაში, ამცირებს CO₂-ის გამოყოფას და აუმჯობესებს ფრენის მთელ პროცესს კომპლექსურობის გარეშე.”

აგვისტოდან მოყოლებული, Wizz Air-ის მფრინავებს უკვე აქვთ ინფორმაცია რეალურ დროში ამინდის ცვლილებაზე ფრენის დროს, რაც AVTECH-ის Aventus და SIGMA სისტემების დამსახურებაა. აღნიშნული ტექნოლოგიები მნიშვნელოვნად ამდიდრებს სტანდარტულ, წინასწარ მომზადებულ ამინდის პროგნოზს ფრენის სპეციფიკურ „შეტყობინებებთან“ ერთად — მაგალითად, ქარის მიმართულება, ტურბულენტობა, ყინვა, ჭექა-ქუხილი და ვულკანური ფერფლი. სისტემები მფრინავებს აჩვენებს მარშრუტს ოთხ განზომილებაში (გრძედი, განედი, სიმაღლე და დრო) და აძლევს რეკომენდაციებს, თუ როგორ მიაღწიონ დანიშნულ ადგილს ყველაზე ეფექტურად.



AVTECH-ის CEO, დევიდ რიტერი:
„სიხარულით ვაფართოებთ ჩვენს მომსახურებას Wizz Air-თან. Aventus და SIGMA სისტემები, რომლებიც მოწოდებულია ბრიტანეთის მეტეოროლოგიური სამსახურის პროგნოზებზე დაყრდნობით, მფრინავებს აძლევს ზუსტ და ინდივიდუალურად მორგებულ ინფორმაციას ქარისა და ტემპერატურის შესახებ, ასევე ავტომატურ და ზუსტ გაფრთხილებებს ტურბულენტობისა და სხვა ამინდის საფრთხეებზე. ველით მჭიდრო თანამშრომლობას Wizz Air-თან ფრენის ეფექტიანობის, პუნქტუალურობისა და მგზავრის კომფორტის გასაუმჯობესებლად.”

ახალი სისტემების გამოყენებით თვითმფრინავები ნაკლებად შეეჯახებიან ტურბულენტობას, შემცირდება სიმაღლის უეცარი ცვალებადობა. განსაკუთრებით დაშვების ფაზაში, ქარის დეტალური ანალიზის მეშვეობით, სისტემები იძლევა საშუალებას, რომ თვითმფრინავმა სწორი მომენტი შეარჩიოს დაშვების დასაწყებად, რაც ზრდის ეფექტიანობას და აჩქარებს ჩასვლას. საწყისი მონაცემებით, Aventus სისტემის მეშვეობით საშუალოდ თითო ფრენაზე 10-15 კილოგრამი საწვავის დაზოგვაა შესაძლებელი. მსგავსი ზუსტი ინფორმაცია რეალურ დროში ადრე დაბალბიუჯეტიან ავიაკომპანიებში ხელმისაწვდომი არ იყო და მფრინავებს მხოლოდ წინასწარ მომზადებული პროგნოზებით ან მესამე მხარის აპლიკაციებით უხდებოდათ სარგებლობა.

Wizz Air-ის ოპერაციების ხელმძღვანელი, დიარმიდ ო’ კონგეილ:
„ამ ტექნოლოგიების დანერგვით Wizz Air ერთ-ერთ პირველია ინდუსტრიაში, ვინც ასეთ გადაწყვეტებს ასე მასშტაბურად იყენებს. StorkJet-ის Flight Path Optimization მფრინავებს აძლევს შესაძლებლობას იმოქმედონ გონივრულად და მარტივად. ამავდროულად, ეს ხელს უწყობს ჩვენს გრძელვადიან მიზანს – მივაღწიოთ Net Zero-ს 2050 წლისთვის. მიუხედავად იმისა, რომ ეს ფუნქციები ტექნიკურად კულისებში მუშავდება, შედეგები მგზავრებისთვის აშკარად შესამჩნევია: ფრენები უფრო მშვიდი და კომფორტული იქნება, განსაკუთრებით აფრენისა და დაშვების ეტაპზე. ეს განვითარება სრულად ეხმიანება ჩვენს მომხმარებელზე ორიენტირებულ ინიციატივას – Customer First Compass-ს. თანამედროვე ამინდის პროგნოზირებისა და ფრენის დაგეგმვის შერწყმით, ჩვენ ვაძლევთ 2,700 მფრინავს უახლესი თაობის ინსტრუმენტებს იმისთვის, რომ 75 მილიონზე მეტ მგზავრს უკეთესი ფრენის გამოცდილება შევთავაზოთ.”

Wizz Air-ის მომხმარებელზე ორიენტირებული სტრატეგია - Customer First Compass - ეფუძნება ოთხ ძირითად პრინციპს: პროდუქტი, ფასი, მომსახურება და კომუნიკაცია. სწორედ ამ ღერძებზე აშენდება კომპანიის მომავალი განვითარება და გაძლიერებული ერთგულება თავისი მომხმარებლების მიმართ — ინვესტიციებით უახლეს ტექნოლოგიებში, სისტემური სანდოობის გაუმჯობესებითა და მომხმარებელზე მორგებული მომსახურების გაწევით. ეს ტრანსფორმაცია წარმოადგენს მნიშვნელოვან ცვლილებას იმაში, თუ როგორ ემსახურება ავიაკომპანია თავის მგზავრებს. მომდევნო სამი წლის განმავლობაში Wizz Air 14 მილიარდი ევროს ინვესტირებას გეგმავს მომხმარებლის ყველა შეხების წერტილის გასაუმჯობესებლად, რათა ყოველი მგზავრობა ხასიათდებოდეს პუნქტუალურობით, ხელმისაწვდომობით, ინოვაციურობითა და მაღალი დონის მომსახურებით. ავიაკომპანიის მიზანია შექმნას უწყვეტი, პერსონალიზებული და ინტუიციურად მოსახერხებელი მოგზაურობის გამოცდილება, თანამედროვე ციფრული ინსტრუმენტების გამოყენებით მთელ ფლოტში.

Wizz Air-ის შესახებ
Wizz Air-ი ოპერირებს 239 Airbus A320 და A321 თვითმფრინავისგან შემდგარი ავიაფლოტით. ავიაციის ერთგული პროფესიონალების გუნდი ყოველდღიურად უზრუნველყოფს ხარისხიან მომსახურებასა და დაბალ ფასებს, რაც 2025 წელს Wizz Air-ს 75 მილიონი მგზავრისთვის სასურველ არჩევანად აქცევს. Wizz Air-ი განთავსებულია ლონდონის საფონდო ბირჟაზე WIZZ-ის სახელით. Wizz Air ახლახან დასახელდა მსოფლიოს ათ ყველაზე უსაფრთხო ავიაკომპანიას შორის (airlineratings.com-ის რეიტინგით) — ეს გახლავთ ერთადერთი სააგენტო, რომელიც უსაფრთხოებასა და პროდუქტის ხარისხს აფასებს. 2019 და 2023 წლებში კი Wizz Air დასახელდა წლის ავიაკომპანიად Air Transport Awards-ის მიერ. Wizz Air-მა ასევე მოიპოვა არაერთი ეკოსდაჯილდოება, მათ შორის „ყველაზე მდგრადი დაბალბიუჯეტიანი ავიაკომპანიის” ტიტული World Finance Sustainability Awards-ის მიერ 2021–2025 წლებში და “EMEA რეგიონის ყველაზე ეკომეგობრული ავიაკომპანიის ჯგუფის” ჯილდო CAPA-Centre for Aviation Awards for Excellence 2024-ზე.