ჩვენ გაგიმხელთ ძლიერი ორგაზმის საიდუმლოებებს!

ყველა ორგაზმი შესანიშნავია, მაგრამ არსებობს ისეთებიც, რომლებიც განსაკუთრებით კარგია - ძლიერი ორგაზმის შემდეგ, რამდენიმე წუთის განმავლობაში ვერ აზროვნებთ ნათლად და რამდენიმე საათის განმავლობაში მთელ სხეულში უცნაური შეგრძნება გეუფლებათ.

TREND გიზიარებთ ექსპერტების აზრს, როგორ განიცადოთ ყველაზე ძლიერი ორგაზმი.

მასტურბაცია

პარტნიორთან სექსი შესანიშნავია, მაგრამ თუ დროს დაუთმობთ მასტურბაციას და უკეთ გაიცნობთ თქვენი სხეულის საჭიროებებს, ეს დაგეხმარებათ მიაღწიოთ მაქსიმალურ ორგაზმს.
„ექსპერიმენტი ჩაატარეთ სხვადასხვა წნევით, ხახუნით და შეხებით. შეეხეთ არა მხოლოდ სასქესო ორგანოებს - მოძებნეთ სხვა ეროგენული ზონები. გახსოვდეთ: ორგაზმის რეგულარული განცდა კარგია თქვენი ლიბიდოსთვის“, - ამბობს სექს-თერაპევტი იან კერნერი.

ფანტაზია

სექსის დროს „აქ და ახლა“ ყოფნა არც ისე აუცილებელია: ფანტაზიები რეაბილიტირებულია და ორგაზმის გაძლიერების მეთოდებში შედის. „კვლევა აჩვენებს, რომ სექსუალურ ფანტაზიებში ჩაძირვა ქალებს აღგზნებაში და ამ მდგომარეობაში დარჩენაში ეხმარება“, - განმარტავს დები ჰერბენიკი, ამერიკის სექსოლოგთა და თერაპევტთა ასოციაციის პრეზიდენტი და წიგნის „იმიტომ, რომ ეს კარგად გარძნობინებს თავს“ ავტორი.

პრელუდია

თუ თქვენს სხეულს ჰკითხავთ, როგორ მიაღწიოს მაქსიმალურ ორგაზმს, ის ალბათ გიპასუხებთ: „მომეცით დრო!“ ტვინს ეს სჭირდება იმისთვის, რომ გაუგზავნოს საჭირო სიგნალები სხვადასხვა ორგანოებს და სისხლი იმ ადგილებში გადაიტანოს, სადაც ის კულმინაციისთვის არის საჭირო.
დოქტორ კერნერის თქმით, ქალებს აღგზნებისთვის 10-დან 20 წუთამდე სჭირდებათ, ამიტომ ეროტიკული მასაჟი და კოცნა ფუფუნება არ არის, არამედ აუცილებელი რამაა.
თუმცა, პრელუდია მხოლოდ ქალებს არ სჭირდებათ, ის ორივე პარტნიორისთვის ძლიერი ორგაზმის მისაღწევად სექსუალური ტექნიკაა: აღგზნებული პარტნიორის დანახვა მამაკაცში ტესტოსტერონის დონეს ზრდის და ის კიდევ უფრო აღიგზნება.

ლუბრიკანტი

გაარკვიეთ, რამდენი ლუბრიკანტი გჭირდებათ და შემდეგ ორჯერ მეტი გამოიყენეთ და ნუ იფიქრებთ, რომ თქვენთან რაღაც პრობლემაა: ბუნება უბრალოდ არ ელოდა, რომ ადამიანები დიდხანს დაკავდებოდნენ სექსით და სწორედ ამიტომ შრება ბუნებრივი ლუბრიკანტი სწრაფად. ამიტომ შეიძინეთ ხელოვნური ლუბრიკანტი: ის მაქსიმალურად ზრდის ნებისმიერი მოქმედების სიამოვნებას, მასაჟიდან დაწყებული პენეტრაციით დამთავრებული.

კლიტორი

ბოლოდროინდელმა კვლევებმა აჩვენა, რომ არასწორია ორგაზმების სხვადასხვა ტიპად დაყოფა: კლიტორის ნერვული დაბოლოებები მენჯამდე ვრცელდება და, შესაბამისად პასუხისმგებელია იმ სიამოვნებაზე, რომელსაც ქალები ვაგინალური პენეტრაციისგან იღებენ.

„სცადეთ კოიტალური გასწორების ტექნიკა, რომელიც უზრუნველყოფს ამ ორგანოსთან სწორ კონტაქტს პენეტრაციის დროს - ეს ორგაზმის მიღწევის ერთ-ერთი საუკეთესო გზაა. გამოიყენეთ პოზები, რომლებიც თქვენს პარტნიორს საშუალებას მისცემს, კლიტორის ხელით სტიმულირება მოახდინოს“, - გვირჩევს უროლოგი და კლიტორის ანატომიური კვლევის პიონერი ჰელენ ო’კონელი.

მრავალჯერადი ორგაზმი
ორგაზმის შემდეგ სისხლი თანდათან იწყებს სასქესო ორგანოებიდან დინებას, მაგრამ ქალებს უზარმაზარი უპირატესობა აქვთ მამაკაცებთან შედარებით: პენისისგან განსხვავებით, ის საშოდან გაცილებით ნელა მიედინება, რაც უზრუნველყოს განმეორებით ან/და მრავალჯერად ორგაზმს.

კეგელის ვარჯიშები

თითქმის ყველა ქალს სმენია კეგელის ვარჯიშების სარგებლის შესახებ, მაგრამ მაინც უგულებელყოფს მათ. თუმცა, ეს ქალებში ორგაზმის გასაუმჯობესებლად ერთ-ერთი საუკეთესო მეთოდია, ამიტომ ღირს მათზე დღეში რამდენიმე წუთის დახარჯვა.

სუნთქვა

არსებობს სუნთქვასთან დაკავშირებული ორგაზმის მიღწევის წესები. ძალიან ბევრი ქალი ინარჩუნებს ამას კულმინაციის მომენტში და ეს არის შეცდომა, რომელსაც შეუძლია სიამოვნების განადგურება. „ეცადეთ სწრაფად, ზედაპირულად ისუნთქოთ - ეს შეამცირებს სისხლში ნახშირორჟანგის დონეს, რამაც შეიძლება გაზარდოს ვაგინალური შეკუმშვების ინტენსივობა“, - გვირჩევს რობერტ ფრიდი, ჰანტერის კოლეჯის ბიოფსიქოლოგიის პროფესორი, რომელიც შფოთვასა და სუნთქვას სწავლობს.

სწორი ადგილი და დრო

„თუ ძლიერი ორგაზმის განცდა გსურთ, რჩევა მარტივია: შექმენით სწორი ატმოსფერო. ქალები კულმინაციის მისაღწევად მშვიდ და კომფორტულ ადგილას უნდა იყვნენ - ტვინი ორგაზმისთვის მწვანე შუქს მხოლოდ იმ სიტუაციაში ანთებს, როდესაც ახლოს საფრთხე არ არის და თქვენ არაფერზე არ ღელავთ“, - ამბობს ნეირომეცნიერი გერტ ჰოლშტეგე.

საუბარი პარტნიორთან

ძლიერი ორგაზმის მთავარი წესი კარგი კომუნიკაციაა. „თუ ვინმე თქვენთან ერთად საწოლშია, მას, სავარაუდოდ, სურს, რომ გაერთოთ. გულწრფელად გაანდეთ რა არ გამოგდით, აუხსენით, რა მოგწონთ - „ეს არის მთავარი რჩევა ძლიერი ორგაზმისთვის, რომლის მოცემაც შემიძლია“, - ამბობს კერნერი.