ანჯელინა ჯოლისთან ოფიციალური განქორწინების შემდეგ, ბრედ პიტის ირგვლივ მითქმა-მოთქმა არ სრულდება.

2020 წლის SAG დაჯილდოებაზე მსახიობმა მიანიშნა, რომ Tinder-ის მომხმარებელი გახდა. შემდეგ ვიხილეთ ბრედის ჩახუტება ყოფილ მეუღლესთან, ჯენიფერ ენისტონთან, კინომსახიობთა გილდიის დაჯილდოებაზე, რამაც მხოლოდ გააძლიერა ჭორები მათი კავშირის შესახებ, თუმცა, როგორც მათის საერთო მეგობრები ამტკიცებენ, პიტს და ენისტონს მხოლოდ მეგობრობა და ძველი მოგონებები აკავშირებთ.



დღეს 62 წლის ბრედ პიტი კვლავ თავდაჯერებულად ინარჩუნებს არა მხოლოდ ჰოლივუდის ერთ-ერთი ნიჭიერი მსახიობის, არამედ თანამედროვე სექს-სიმბოლოს სტატუსსაც.
მოდით, გავიხსენოთ, რომელმა ქალებმა მოახერხეს ამ ქარიზმატული მამაკაცის გულის მოგება და როგორ დასრულდა ეს ურთიერთობები.

სინიტა (1984-1986)



ბრიტანელი პოპ მომღერალი სინიტა 1980-იან წლებში მოხიბლული იყო ჰოლივუდის ვარსკვლავით. მათი შეხვედრის ერთ-ერთი ვერსიის თანახმად, ბრედმა ტელევიზიით ნახა მისი გამოსვლა და შემდეგ თავის აგენტს სთხოვა შეხვედრის მოწყობა. მათი რომანი სწრაფად დაიწყო, მაგრამ არ განვითარებულა. სინიტამ თავად გადაწყვიტა მსახიობთან დაშორება, მაგრამ მოგვიანებით მათ ურთიერთობაზე მხოლოდ დადებითად ისაუბრა.

შოუში "მე ცნობილი ადამიანი ვარ" მომღერალმა აღიარა, რომ ბრედს ლამაზ მამაკაცად, მშვენიერი სხეულით მიიჩნევდა: "ჩვენ ორი წელი ვხვდებოდით ერთმანეთს, ის მხიარული, ახალგაზრდა და ძალიან საყვარელი იყო"- განმარტა მომღერალმა.

რობინ გივენსი (1986-1987)



სინიტასთან დაშორების შემდეგ, მსახიობი სხვა ლამაზმანზე გადავიდა. მისი რჩეული ამერიკელი მსახიობი და მოდელი რობინ გივენსი იყო. ისინი ერთმანეთს ფილმ „კლასის პრეზიდენტის“ გადასაღებ მოედანზე შეხვდნენ. ბრედს ისიც არ აწუხებდა, რომ რობინი ცნობილ მოკრივე მაიკ ტაისონზე იყო დაქორწინებული.

ამ საიდუმლო რომანის ბოლო აკორდი იყო სცენა, რომელიც ასეთ ვითარებაში საკმაოდ გავრცელებულია: ქმარი სახლში დაბრუნდა და ცოლი საყვარელთან ერთად დაინახა, მაშინ პიტმა როგორღაც მოახერხა უვნებლად გადარჩენა. რობინი მსახიობს დაშორდა, მაგრამ ამან მისი ქორწინება ვერ გადაარჩინა. 1988 წელს ის და მაიკი ოფიციალურად განქორწინდნენ.

შალეინ მაკკოლი (1987-1988)



ბრედ პიტის კარიერა სწრაფად ვითარდებოდა და სერიალ „დალასის“ გადასაღებ მოედანზე მსახიობმა რომანი დაიწყო კოლეგასთან, შალეინ მაკკოლთან. მსახიობი მაშინ 15 წლის იყო, ამიტომ გასაკვირი არ არის, რომ მათ ოფიციალურად არასოდეს დაადასტურეს თავიანთი ურთიერთობა.

თუმცა, ბრედი და შალეინი ერთად ჰარმონიულად გამოიყურებოდნენ. და მაინც, როგორც კი გადაღებები დასრულდა, ჰოლივუდის ვარსკვლავმა მიატოვა თავისი ახალგაზრდა საყვარელი და ახალი ჰორიზონტების დასაპყრობად გაემართა.

კრისტინა აპლგეიტი (1989)



როგორც ხედავთ, პიტის ყოველი შემდგომი ურთიერთობა წინაზე უფრო ხანმოკლე იყო. ბოლოს, ამერიკელ მსახიობ კრისტინა აპლგეიტთან მან რეკორდი დაამყარა - მათი რომანი (თუ შეიძლება ასე ვუწოდოთ) მხოლოდ ერთ სრულ დღეს გაგრძელდა.

ისინი შეხვდნენ MTV-ის მუსიკალური ვიდეოების დაჯილდოებამდე ცოტა ხნით ადრე, სავარაუდოდ, რამდენიმეწუთიან პაემანზე გავიდნენ და ოფიციალურად გამოჩნდნენ, როგორც წყვილი, მუსიკალური დაჯილდოების ცერემონიაზე. მაგრამ იმავე საღამოს, კრისტინამ უფრო საინტერესო ადამიანი იპოვა. შუაღამისას მან ბრედს უთხრა, რომ მათი ურთიერთობა დასრულდა.

ჯილ შოელენი (1989)



როგორც ჩანს, კრისტინა აპლგეიტთან უსიამოვნო ინცინდენტის შემდეგ, მსახიობმა გადაწყვიტა, რომ ხანმოკლე რომანები ყელში ამოუვიდა. თავის ახალ შეყვარებულთან, რომელიც მან „Skip Class“-ის გადასაღებ მოედანზე გაიცნო, ბრედმა სერიოზული ურთიერთობა დაიწყო.

ლამაზმა შავგვრემანმა ჯილ შოელენმა მსახიობის წინადადებაც კი მიიღო. თუმცა, სამთვიანი ნიშნობის შემდეგ მოულოდნელად ურთიერთობა დაასრულა. ჭორები დადიოდა, რომ ის სხვა მამაკაცს შეხვდა. ბრედ პიტი ამ ღალატმა გაანადგურა. მოგვიანებით მან თქვა, რომ ჯილთან დაშორება მის ცხოვრებაში ერთ-ერთი ყველაზე რთული პერიოდი იყო.

ჯულიეტ ლუისი (1989 - 1993)



საცოლესთან მტკივნეული დაშორების შემდეგ, პიტმა განაახლა ოცნების გოგონას ძებნა. გადასაღებ მოედანზე მას ახალი რომანი ელოდა. ეს იყო ფილმი „ახალგაზრდა სიკვდილი“, რომელშიც 27 წლის მსახიობი 17 წლის ჯულიეტ ლუისთან ერთად თამაშობდა. მათ დაიწყეს ურთიერთობა, რომელიც რამდენიმე წელი გაგრძელდა.

„ჩემთვის საოცარია, რომ ხალხი კვლავ ნანობს ჩვენს ოთხწლიან ურთიერთობას“, - თქვა მსახიობმა 1990-იანი წლების ბოლოს. „ეს იყო შესანიშნავი რომანტიკული ურთიერთობა სასაცილო, ჭკვიან ბიჭთან. შემდეგ ეს დასრულდა და მან განაგრძო თავისი აღმავალი ტრაექტორია დიდებისკენ“. გასაგებია, რომ ჯულიეტმა არჩია გაჩუმებულიყო იმ ფაქტზე, რომ, საყვარლისგან განსხვავებით, ის დეპრესიაში ჩავარდა და ნარკოტიკების მოხმარებაც კი დაიწყო.

გვინეთ პელტროუ (1994–1997)



ისინი 1990-იანი წლების ერთ-ერთ ულამაზეს წყვილად ითვლებოდნენ. მათ მუდმივად ერთად ხედავდნენ, ხელჩაკიდებულებს და სიყვარულით სავსე გამოხედვით.

ბრედმა გვინეტს „განსახიერებული ანგელოზი“ და „ჩემი ცხოვრების სიყვარული“ უწოდა. 1996 წელს მან მსახიობს ხელი სთხოვა, გვინეტმაც სიხარულით მიიღო, მაგრამ ერთი წლის შემდეგ, წყვილი მოულოდნელად დაშორდა. ამ გადაწყვეტილების ნამდვილი მიზეზები უცნობია.

ჯენიფერ ენისტონი (1998 - 2004)



ისინი 1998 წელს აგენტების მიერ ორგანიზებულ ბრმა პაემანზე შეხვდნენ, ერთი წლის შემდეგ, ჯენიფერი და ბრედი დაინიშნენ: ბედნიერი წყვილი ნიუ-იორკში სტინგის კონცერტზე გამოჩნდა.

2000 წელს მათ მალიბუში ულამაზესი ქორწილი ჰქონდათ და მათი ოჯახური ცხოვრება იდეალური ჩანდა. ასე იყო 2004 წლამდე, სანამ ბრედი არ აირჩიეს ფილმში „მისტერ და მისის სმიტები“, სადაც მთავარ როლს ანჯელინა ჯოლისთან ერთად ასრულებდა.

2005 წელს პიტი და ენისტონი განქორწინდნენ. ოფიციალურად, დაშორების მიზეზად მათ „შეურიგებელი უთანხმოებები“ დაასახელეს, თუმცა ჭორები უკვე ანჯელინას ადანაშაულებდნენ.

ანჯელინა ჯოლი (2006 - 2016)



ისინი დიდი ხნის განმავლობაში უარყოფდნენ თავიანთ ურთიერთობას. 2006 წელს კი, ისინი მოულოდნელად არა მხოლოდ ერთად გამოჩნდნენ საჯაროდ, არამედ განაცხადეს, რომ შვილს ელოდებოდნენ. მათ მალე ქალიშვილი შილო შეეძინათ, თუმცა, ვარსკვლავური წყვილი ამით არ შემოიფარგლებოდა. სულ რაღაც ორი წლის შემდეგ ანჯელინამ საყვარელი ტყუპები გააჩინა:

ნოქსი და ვივიენი. თუმცა, წყვილი დიდი ხნის განმავლობაში არ ჩქარობდა დაქორწინებას. ისინი მხოლოდ 2014 წელს დაქორწინდნენ - თითქმის ცხრა წლიანი კავშირის შემდეგ, ყველა დარწმუნებული იყო, რომ ეს ქორწინება ჰოლივუდში ერთ-ერთი ყველაზე ძლიერი და ხანგრძლივი იქნებოდა, მაგრამ 2016 წელს წყვილმა განქორწინება გამოაცხადა.

ამას მოჰყვა ხანგრძლივი სასამართლო დავები, შვილების გაზიარების შესახებ დავები და ურთიერთბრალდებები. მოკლედ, ყველაფერი ისე ლამაზად არ დასრულებულა, როგორც დაიწყო.
ჯოლისთან დაშორების შემდეგ, ბრედი პირად ცხოვრებასთან დაკავშირებით გაცილებით ჩაკეტილი გახდა. მხოლოდ ინეს დე რამონის გამოჩენამ აფიქრებინა მას სიყვარულზე ხელახლა და ამის საზოგადოებისთვის გაზიარების სურვილიც გაუჩნდა.



მსახიობსა და ფიტნეს მწვრთნელს შორის გარდაუვალი ქორწილის შესახებ ჭორები ვრცელდება, თუმცა თავად ისინი ჯერ არ არიან მზად ასეთი სერიოზული ნაბიჯისთვის.