მსოფლიოს ერთ-ერთი ყველაზე ცნობილი ყოფილი წყვილის გარშემო ვნებები კვლავ დუღს. სუპერმოდელი ჯიჯი ჰადიდი „განადგურებული და დამცირებულია“ ზეინ მალიკის ბოლოდროინდელი ინტერვიუს გამო. One Direction-ის ყოფილმა ვარსკვლავმა საჯაროდ განაცხადა, რომ 6-წლიანი ურთიერთობისა და საერთო შვილის მიუხედავად, მას ჯიჯი სინამდვილეში არასოდეს ჰყვარებია.

„ეს მხოლოდ პიარ-სვლაა“ – ჰადიდის გარემოცვა პასუხობს

33 წლის ზეინ მალიკისა და 30 წლის ჯიჯი ჰადიდის ურთიერთობა 6 წელს ითვლიდა. წყვილს 2020 წელს ქალიშვილი, ხაი შეეძინა, თუმცა 2021 წელს ისინი საბოლოოდ დაშორდნენ. მიუხედავად იმისა, რომ წყვილს ჰქონდა „დაუწერელი კანონი“ - არასოდეს ესაუბრათ ერთმანეთზე საჯაროდ - ზეინმა ეს პირობა დაარღვია.



ჯიჯის ახლო გარემოცვა მომხდარს „საზიზღარსა და პათეტიკურს“ უწოდებს. ინსაიდერის თქმით:
„არაფერია პატივსაცემი იმაში, რომ შენი შვილის დედაზე ასე ისაუბრო. ჯიჯი შოკირებულია. ეს ყველაფერი მხოლოდ იაფფასიანი ხრიკია მისი ახალი ალბომის გამოსვლის წინ პოპულარობის მოსახვეჭად. როგორ შეუძლია თქვას, რომ არ უყვარდა? ისინი 6 წელი იყვნენ ერთად. იმის მინიშნებაც კი, რომ მათი შვილი სიყვარულის ნაყოფი არ იყო, არაადამიანურია.“

სიყვარული თუ უბრალოდ ლტოლვა? ზეინის ვერსია

პოდკასტში Call Her Daddy ალექს კუპერთან საუბრისას, ზეინმა საკუთარ გრძნობებს გადახედა: „სიყვარულზე ჩემი წარმოდგენა მუდმივად იცვლება. იმ დროს შეიძლება მეგონა, რომ ეს სიყვარული იყო, მაგრამ ასაკის მატებასთან ერთად მივხვდი, რომ შესაძლოა ეს უბრალოდ ლტოლვა იყო. არ ვფიქრობ, რომ ეს ნამდვილი სიყვარული იყო.“

მომღერალმა იქვე სცადა სიტუაციის შერბილება და დასძინა, რომ ჯიჯი მაინც უყვარს, როგორც მისი შვილის დედა, თუმცა არა როგორც ქალი: „ყოველთვის მეყვარება 'G' (ჯიჯი), რადგან მან მაჩუქა შვილი და მის მიმართ უდიდეს პატივისცემას ვგრძნობ. მაგრამ არ ვიცი, ვიყავი თუ არა მასზე შეყვარებული. ალბათ რომ ვყოფილიყავი, საკუთარი თავის უკეთესი ვერსია ვიქნებოდი.“



ზეინმა ასევე აღნიშნა, რომ აღარასოდეს სურს „საჯარო ურთიერთობა“, რადგან გამოცდილებამ აჩვენა, რომ მისთვის ეს არ მუშაობს.

სკანდალური წარსული და იოლანდა ჰადიდი

შეგახსენებთ, რომ წყვილის 6-წლიანი დრამატული რომანი 2021 წელს დასრულდა, მას შემდეგ რაც ზეინსა და ჯიჯის დედას, იოლანდა ჰადიდს შორის ფიზიკური დაპირისპირება მოხდა. ზეინს ბრალი დასდეს იოლანდას შეურაცხყოფაში. სასამართლომ მას 360-დღიანი გამოსაცდელი ვადა და ბრაზის მართვის კურსები დაუნიშნა.



მაშინ ზეინი აცხადებდა, რომ ეს მხოლოდ „ოჯახური პრობლემები“ იყო და არ სურდა მისი ქალიშვილისთვის ინტერნეტში ნეგატიური ნარატივი დაეტოვებინა.

ახალი ცხოვრება ბრედლი კუპერთან

სანამ ზეინი წარსულში ქექვით არის დაკავებული, ჯიჯი ჰადიდმა ბედნიერება ჰოლივუდის ვარსკვლავთან, 51 წლის ბრედლი კუპერთან იპოვა. წყვილი ერთმანეთს 2023 წლის ოქტომბრიდან ხვდება. მიუხედავად 21-წლიანი ასაკობრივი სხვაობისა, მათი ურთიერთობა სტაბილურია.



ჯიჯი ყოველთვის ცდილობდა ზეინთან ცივილური ურთიერთობა შეენარჩუნებინა ხაის გამო და ჟურნალ Vogue-თან ინტერვიუშიც კი ამბობდა, რომ ისინი ბავშვის გამო ერთმანეთს მხარს უჭერდნენ. თუმცა, ზეინის ბოლო განცხადებების შემდეგ, უცნობია, რამდენად გაგრძელდება ეს მეგობრული თანაარსებობა.