ჰოლივუდის ყველაზე ხმაურიანი დაპირისპირება, რომელიც ფილმ „ყველაფერი მთავრდება ჩვენით“ (It Ends With Us) გადასაღებ მოედანზე დაიწყო, ნიუ-იორკის სასამართლო დარბაზში გადაინაცვლა. 2024 წლის აგვისტოს შემდეგ, როცა მსახიობებმა ფილმის პრემიერაზე ერთმანეთს არ დაელაპარაკნენ, ბლეიკ ლაივლი და ჯასტინ ბალდონი პირისპირ პირველად წარდგნენ.

სასამართლო „იზოლაციაში“: 6-საათიანი უშედეგო მოლაპარაკება

ოთხშაბათს მანჰეტენის სასამართლოში მხარეებს შორის საიდუმლო მოლაპარაკებები გაიმართა. ჯასტინი სასამართლოში მეუღლესთან ერთად მივიდა.



საინტერესოა ისიც, რომ ბლეიკი და ჯასტინი მთელი დღის განმავლობაში სხვადასხვა ოთახებში იყვნენ გამოკეტილი - ისინი ერთმანეთს ფიზიკურად არ შეხვედრიან. მოსამართლე ოთახიდან ოთახში გადადიოდა და ცდილობდა მხარეები შეერიგებინა, რათა საქმე დიდ სასამართლო პროცესამდე არ მისულიყო.

თუმცა, 6-საათიანი დებატების შემდეგ, შეთანხმება ვერ მოხერხდა. თუ მაისამდე კომპრომისი არ მოიძებნა, ჰოლივუდს ნამდვილი „სამართლებრივი შოუ“ ელის.

ტეილორ სვიფტის ფაქტორი: რა შუაშია პოპ-დედოფალი?

ბევრისთვის გაუგებარი იყო, რატომ ფიგურირებს საქმეში ტეილორ სვიფტი. საქმე იმაშია, რომ ტეილორი ბლეიკ ლაივლის უახლოესი მეგობარია. სასამართლო პროცესის მომზადებისას გასაჯაროვდა ვარსკვლავების პირადი მიმოწერები, სადაც ჩანს, რომ ბლეიკი ტეილორთან ერთად განიხილავდა გადასაღებ მოედანზე შექმნილ სიტუაციას.

ჯასტინ ბალდონის მხარე მიანიშნებს, რომ ბლეიკმა თავისი გავლენიანი მეგობრების (ტეილორ სვიფტის, რაიან რეინოლდსის) დახმარებით მის წინააღმდეგ „ცილისწამების კამპანია“ წამოიწყო, რათა ის ტირანად და მოძალადედ წარმოეჩინა.

მოკლედ რომ ვთქვათ, დავა მხოლოდ ორ მსახიობს შორის აღარ მიმდინარეობს - ეს არის ბრძოლა ჰოლივუდის ყველაზე გავლენიან კლანებს შორის.

ბრალდებები: რას ედავებიან ერთმანეთს?

• ბლეიკ ლაივლის ვერსია: ის ამტკიცებს, რომ ჯასტინ ბალდონი (რომელიც ფილმის რეჟისორიცაა) მას გადასაღებ მოედანზე ავიწროებდა, იქცეოდა არაპროფესიონალურად და მოგვიანებით სცადა ბლეიკის რეპუტაციის შელახვა.

• ჯასტინ ბალდონის ვერსია: ის ყველაფერს უარყოფს და ამბობს, რომ პირიქით - ბლეიკმა და მისმა მეუღლემ, რაიან რეინოლდსმა, გამოიყენეს თავიანთი ძალაუფლება, რათა რეჟისორი ფილმის მონტაჟიდან ჩამოეშორებინათ და მასზე კონტროლი დაემყარებინათ. ბალდონის ადვოკატები ბლეიკის ბრალდებებს „სრულიად ყალბს და სკანდალურს“ უწოდებენ.
  
  

რა იქნება შემდეგ?

თუ მხარეები ვერ მორიგდნენ, მაისში დაიწყება პროცესი, სადაც მოწმის სახით შესაძლოა არაერთი ჰოლივუდელი ვარსკვლავის ხილვა მოგვიწიოს. სასწორზე არა მხოლოდ ფული, არამედ ბლეიკ ლაივლისა და ჯასტინ ბალდონის კარიერული მომავალი დგას.