მაშინაც კი, თუ ასტროლოგიაში კარგად არ ერკვევით, ალბათ ზუსტად იცით, გყავთ თუ არა გარემოცვაში „ცეცხლოვანი“ ადამიანი. ვერძი, ლომი და მშვილდოსანი ზუსტად თავიანთი მმართველი სტიქიასავით არიან: ისინი ანათებენ, იპყრობენ ყურადღებას... მაგრამ ზოგჯერ შეიძლება „დაგწვან“ კიდეც.

ასტროლოგები გვირჩევენ: მოიმარჯვეთ მზის სათვალეები, რადგან ამ ნიშნების სიკაშკაშესთან გასამკლავებლად ის ნამდვილად დაგჭირდებათ!

ცეცხლის ნიშნების მთავარი შტრიხები

• დადებითი: ვნებიანი, კრეატიული, თამაშის მოყვარული და უშიშარი. ისინი არიან ადამიანები, რომლებიც ყველას მუხტავენ ენერგიით და სხვებს შთაგონებას აძლევენ.

• უარყოფითი: შეიძლება იყვნენ იმპულსურები, ეგოისტები და ზედმეტად დრამატულები. ხშირად სურთ ყურადღების ცენტრში ყოფნა, რაც გარშემომყოფებისთვის ხანდახან დამღლელია (დიახ, ლომებზე ვსაუბრობთ).

როგორ ვლინდება ცეცხლი თქვენს პირად რუკაში?

• თუ მზით ცეცხლის ნიშანი ხართ: თქვენი არსება დამოუკიდებელი და ვნებიანია. მაშინაც კი, თუ ამას ყოველთვის არ აჩვენებთ, შინაგანად მუდმივად „გიზგიზებთ“.

• თუ ასცედენტით (ამომავალი ნიშნით) ხართ ცეცხლი: გარეგნულად ძალიან ქარიზმატული, დომინანტი და ეპატაჟური ჩანხართ. ეს თქვენი სავიზიტო ბარათია.

• თუ მთვარით ხართ ცეცხლი: თქვენი ემოციები ფეთქებადია. შეიძლება სწრაფად გეწყინოთ, სწრაფად შეგიყვარდეთ და ასევე სწრაფად „გადაიწვათ“.

სტიქიების თამაში: ვისთან არიან თავსებადები?

ცეცხლისთვის საუკეთესო პარტნიორი ჰაერია - ის აღვივებს ალს და ურთიერთობას დინამიკას სძენს. წყალთან წყვილი ძალიან სექსუალური და ვნებიანია, თუმცა რთული: წყალს შეუძლია ცეცხლის ჩაქრობა, ხოლო ცეცხლს - წყლის აორთქლება. მიწის ნიშნები კი ხშირად აშინებენ ცეცხლს თავიანთი სიმკაცრით და წესებით.

გაიცანით სამივე „ალი“ ახლოს:

♈ ვერძი - ლიდერი

ვერძი ზოდიაქოს პირველი ნიშანია და ის ყოველთვის მოვლენების ეპიცენტრშია. ისინი არ ცდილობენ იყვნენ ორიგინალურები - ისინი უბრალოდ ბუნებრივი პიონერები არიან.

♌ ლომი - მფარველი

ლომი სტაბილური ცეცხლია. ისინი ბუნებრივი ლიდერები არიან, მაგრამ ძალიან პასუხისმგებლიანი. ლომი თავისი „სამეფოს“ მეფე ან დედოფალია, რომელიც ზრუნავს ყველაზე და ყველაფერზე, რაც მას ეკუთვნის.

♐ მშვილდოსანი - ელჩი

ეს არის ცეცხლი, რომელიც შორს ვრცელდება. მშვილდოსნები მსოფლიო მოგზაურები და დიდი მოაზროვნეები არიან. ისინი ყველგან არიან, აგროვებენ იდეებს მთელი მსოფლიოდან და სხვებს უზიარებენ.

ბლიც-კითხვები ცეცხლის ნიშნებზე:

• რა როლი აქვთ სამეგობროში? ისინი არიან „იდეების გენერატორები“. სწორედ მათგან მოდის შემოთავაზება: „მოდით, ხვალ პარიზში გავფრინდეთ!“

• როგორია მათი იდეალური დასვენება? იქ, სადაც მზეა, თავისუფლებაა და არავის წინაშე არ არიან ვალდებულნი. მათ სჭირდებათ სივრცე ახალი ადამიანების გასაცნობად და ლამაზი ნივთების დასათვალიერებლად.

• რა ჰობი უნდა სცადონ? ფერწერა ან ქანდაკება. ისეთი რამ, სადაც ხელებით მუშაობა და ემოციების ტილოზე გადმოტანაა საჭირო.