პოპულარული ბრიტანული რეალითი შოუს, Made In Chelsea-ს ვარსკვლავი ტაბითა ვილეტი სკანდალის ეპიცენტრშია. მიუხედავად იმისა, რომ 33 წლის ინფლუენსერი სოციალურ ქსელში მდიდრული ცხოვრებითა და მულტიმილიონერ საქმროსთან ნიშნობით იწონებს თავს, ირკვევა, რომ მას ძველი ვალები მოსვენებას არ აძლევს.

განადგურებული აპარტამენტი კენსინგტონში

დავა 2022 წელს იწყება, როდესაც ტაბითა ლონდონის ერთ-ერთ ყველაზე პრესტიჟულ უბანში, კენსინგტონში, 1.8 მილიონ ფუნტად შეფასებულ ბინას ქირაობდა. სახლის მფლობელი, შარლოტ ჰილი, ამტკიცებს, რომ რვა თვის შემდეგ ვარსკვლავმა ბინა „ნანგრევებად“ აქცია.



სასამართლო დოკუმენტებიდან ირკვევა, რომ მდიდრული აპარტამენტის კედლები კოსმეტიკური საშუალებებით იყო დასვრილი და ნახატებით აჭრელებული. დაზიანდა სამზარეულოს ზედაპირიც, ხოლო ყველაზე დიდი ზიანი 9,000 ფუნტად შეფასებულ ხალიჩას მიადგა, რომელიც, სავარაუდოდ, ტაბითას ძაღლმა დააზიანა.

„ეს ნამდვილი კოშმარია... ბინა სრულიად განადგურებული დამხვდა,“ - განაცხადა სახლის მფლობელმა სასამართლოში.

11 ათასი ფუნტი და შეწყვეტილი გადახდები

2024 წელს სასამართლომ ტაბითა დამნაშავედ ცნო და დაზიანებული ქონების კომპენსაციის სახით გარკვეული თანხის გადახდა დააკისრა. თუმცა, წყაროები იტყობინებიან, რომ რიგითი გადახდები მან გასული წლის სექტემბერში შეწყვიტა. საერთო ჯამში, დაზიანებებისა და გადაუხდელი ქირის გათვალისწინებით, ვილეტს 11,107 ფუნტი სტერლინგი მართებს.

მდიდრული ნიშნობა და მოლოდინი

საინტერესოა, რომ ვალების შესახებ ინფორმაცია მას შემდეგ გასკდა, რაც ტაბითამ საზოგადოებას თავისი გრანდიოზული ნიშნობა ამცნო. მისი რჩეული დუბაიში მოღვაწე ფინანსური ბროკერი და მულტიმილიონერი ჰარი ჰოარია. წყვილმა ნიშნობა ტრადიციული წესით, გაზეთ The Times-ის მეშვეობით დაადასტურა, ტაბითამ კი Instagram-ზე გიგანტური ბრილიანტის ბეჭედი გამოაჩინა.
ამჟამად ტაბითა ვილეტი მეორე შვილს ელოდება (მას 10 წლის ქალიშვილი, ოტილი ჰყავს ყოფილი პარტნიორისგან).



ის აგრძელებს ფუფუნებაში ცხოვრებას, სტუმრობს ხუთვარსკვლავიან სასტუმროებს და მონაწილეობს რეალითი შოუებში, თუმცა მისი ყოფილი დიასახლისისთვის ეს ყველაფერი „უსინდისობაა“, სანამ ძველი ვალები გასტუმრებული არ არის.