ალბათ, ყველა ჩვენგანს აცოცხლებს იმედი, რომ ერთ მშვენიერ დღეს შევხვდებით იმ ერთადერთს, ვინც სამყაროს ამოაყირავებს. ჩვენ იდეალიზებას ვუკეთებთ სრულყოფილ მომენტს და ვოცნებობთ კავშირზე, რომელიც იმდენად ღრმაა, რომ მის არსებობასაც კი ვერ წარმოვიდგენდით.

თუმცა, რეალობა ყოველთვის ვარდისფერი არ არის. ნამდვილი სიყვარულის ძიება ხშირად გრძელი და გამოწვევებით სავსე გზაა. ამ გზაზე ბევრი ადამიანი შეგხვდებათ, ზოგიერთი მათგანი კი მხოლოდ გაკვეთილი აღმოჩნდება.

ნუ გატყდებით - სანამ ცხოვრება თქვენს ნამდვილ ადამიანს გამოაჩენს, შესაძლოა, რამდენიმე „ბაყაყს“ კოცნა დაგჭირდეთ. აი, 4 ტიპის სიყვარული, რომელიც უნდა გამოსცადოთ, სანამ ბედისწერას შეხვდებით:

1. პირველი სიყვარული

ეს გამოცდილება თვალებახვეული ველოსიპედის ტარებას ჰგავს. არ იცი, საით მიდიხარ, წარმოდგენა არ გაქვს, როგორ მართო პროცესი, მაგრამ მაინც ცდილობ, რადგან ახალი შეგრძნებები ნებისმიერ შიშზე ძლიერია. გგონია, რომ მის გარეშე ერთ დღესაც ვერ გაძლებ, მაგრამ ცდები.



როცა ეს ურთიერთობა სრულდება, შენ იზრდები. ეს ჰგავს ბავშვობის ნაკაწრს მუხლზე - გეტკინა, მაგრამ გასწავლა, რომ შემდეგში უფრო ფრთხილად იყო.

2. რთული სიყვარული

ეს ის გრძნობაა, რომელიც თავიდან იდეალური გგონია, მაგრამ დროთა განმავლობაში თვალებს გიხელს. აღმოაჩენ, რომ შენი პარტნიორი შეიცვალა, თუმცა სინამდვილეში ის უბრალოდ ნიღაბს იხსნის. ეს ურთიერთობა ამერიკულ მთებს ჰგავს - უკიდურესი აღმაფრენა და გამანადგურებელი დაცემა.



მიუხედავად იმისა, რომ ეს კავშირი გულისტკენით სრულდება, ის ყველაზე მნიშვნელოვან გაკვეთილს გაძლევს: საკუთარი თავზე ზრუნვა ყველაზე პრიორიტეტულია.

3. „საუკეთესო მეგობარი“ (ჩვევად ქცეული სიყვარული)

რთული სიყვარულის შემდეგ ჩვენ სტაბილურობას ვეძებთ და ვპოულობთ ადამიანს, ვისაც ჩვენზე მეტად ვუყვარვართ. ის ზუსტად მაშინ ჩნდება, როცა „უსაფრთხო თავშესაფარი“ გვჭირდება. შენ იღებ ამ სიყვარულს, მიუხედავად იმისა, რომ იგივე მუხტი არ გაქვს.



ის გიცავს, გაფასებს, მაგრამ ვნება ნელ-ნელა ქრება. შენ საკუთარ თავს აჯერებ, რომ ყველაფერი რიგზეა, სანამ ერთ დღესაც არ მიხვდები, რომ პატივისცემა სიყვარულისთვის საკმარისი არ არის.

4. ქარიშხალი (ვნებიანი სიყვარული)

ზუსტად მაშინ, როცა საკუთარ თავს არწმუნებ, რომ ნამდვილი რომანტიკა არ არსებობს, ჩნდება ის - ვინც მიწას ფეხქვეშ გამოგაცლის. ეს არის სასიყვარულო რომანის ტიპის ურთიერთობა: გიჟური, იმპულსური და წარმოუდგენლად ინტენსიური. გგონია, რომ იპოვე „ის“, მაგრამ სამწუხაროდ, ეს ყველაფერი ზედმეტად კარგია საიმისოდ, რომ სიმართლე იყოს. ეს ურთიერთობა ისევე სწრაფად ინგრევა, როგორც დაიწყო და ემოციურად გამოფიტულს გტოვებს.

უპირობო სიყვარული

და აი, როცა უკვე დანებებას აპირებ, ხვდები ადამიანს, რომელიც ყველაფერზე მაღლა დგას. შენი ბედისწერა. ის, ვინც მთელი ეს დრო გელოდა. პირველივე მზერაზე გეუფლება შეგრძნება, თითქოს მას წინა ცხოვრებიდან იცნობ. გაოცებული ფიქრობ: „ნუთუ ეს მართლა ხდება?“.

ამ წამს აღარ ინანებ არცერთ წინა იმედგაცრუებას, რადგან ხვდები - რომ არა ის რთული გზა, შენ ვერ იქნებოდი იქ, სადაც ახლა ხარ. ყველაფერი აზრს იძენს... რადგან ის სწორედ შენი ადამიანია.