ნერვული აშლილობის ზღვარზე მყოფი ადამიანი აგრძელებს ჩვეულებრივ ცხოვრებას, ასრულებს თავის ვალდებულებებს, რჩება კონცენტრირებული და წარმატებულიც კი, მაგრამ ამ გარეგანი სტაბილურობის მიღმა საშინელი შინაგანი დაძაბულობა იმალება.

 TREND გაგაცნობთ, თუ რა არის ეს ცვლილებები.

1. გაზრდილი პროდუქტიულობა

გაზრდილი პროდუქტიულობა შეიძლება არ იყოს შინაგანი რესურსის შედეგი, არამედ გადარჩენის სტრატეგია. დაფიქრდით: მუდმივი დაკავებულობა უბრალოდ არ ტოვებს ადგილს შფოთვის, სიცარიელისა და დეპრესიული აზრებისთვის. ასე რომ, გარეგნულად, თქვენ ფოკუსირებულ სამუშაოჰოლიკს ჰგავხართ, მაგრამ შინაგანად დაღლილობა გროვდება.

ასეთი დაუნდობელი რეჟიმის ფასი ქრონიკული ნერვული დაძაბულობა და თვითკონტროლის დაკარგვაა.

2. ნეგატიური აზრების რაციონალიზაცია

„რატომ უნდა ვიწუწუნო? ასე ცხოვრობს ყველა“, „თავი ალბათ ამინდის გამო მტკივა“, „ყველაფერი კარგად იქნება! ახლა უბრალოდ უიღბლო ვარ...“ - ამ ტიპის გამართლებები ხელს უწყობს სტაბილურობისა და კონტროლის გრძნობის შენარჩუნებას, მაგრამ ამავდროულად, ის რეალურ გამოცდილებაზე წვდომას გიზღუდავთ:



თქვენ უგულებელყოფთ უსიამოვნო გრძნობას, რადგან არ თვლით, რომ ის ძალისხმევად ღირს. შედეგად, ძალიან ძნელი ხდება თქვენი ემოციების ამოცნობა; ისინი ყველა აირია და თქვენს ცხოვრებასა და გონებაში ქაოსი იზრდება.

3. იუმორი - დამცავი ნიღაბი

ხუმრობა, თუნდაც სულელური, ამცირებს დაძაბულობას და საუბარს სხვებისთვის უფრო სასიამოვნოს ხდის.

4. სხეული დახმარებას ითხოვს

თავის ტკივილი, სხეულის დაძაბულობა, კუჭის ან გულის პრობლემები უმეტესად მაშინ ვლინდება, როდესაც ადამიანი ნერვული აშლილობის ზღვარზეა. ეს იმიტომ ხდება, რომ თქვენი სხეული ცდილობს თქვენთან დაკავშირებას - თქვენ არ გსურთ ნამდვილი ემოციების აღიარება. შეიძლება მიიღოთ ბევრი ტკივილგამაყუჩებელი, მაგრამ მაინც ვერ იგრძნოთ თავი უკეთ.

5. ინტენსიური კონტროლი და მუდმივი შფოთვა

თვითკონტროლი ამცირებს შფოთვას, თუმცა, მისი ეფექტი ხანმოკლეა. საბოლოო ჯამში, გეგმიდან ნებისმიერი გადახვევა საშინელ საფრთხედ აღიქმება და მთელი სისტემა მყიფე ხდება რეალობასთან გასამკლავებლად.

6. გარდაუვალი აპათია

ეს არის მელანქოლიური გრძნობა, როცა არაფერი გახარებთ - გულგრილი ხართ წარმატებით დასრულებული პროექტის, გარეთ მზიანი ამინდის, საყვარელი ადამიანის წარმატებების და თქვენი ერთობლივი მომავლის მიმართაც კი. თითქოს ემოციებს ახშობთ, რათა თავიდან აიცილოთ ფსიქიკის გადატვირთვა, მაგრამ ტკივილთან ერთად, სიხარულის განცდის უნარიც ქრება.

7. გაღიზიანება ყველაფრისა და ყველას მიმართ

ესეც მდგომარეობა ლოგიკურია - რთულია საკუთარი თავის კონტროლი და სხვების მიმართ ობიექტურობაც, როდესაც შიგნით ყველაფერი კარგად არ არის. ნებისმიერ მომენტში შეიძლება ემოცია აფეთქდეს - უხეში სიტყვის, ბოროტი ღიმილის ან მახინჯი ჟესტის სახით.

8. დამატებითი განწყობის რეგულატორები

როდესაც ჩვენი ძალები ზღვარს გადაჭარბებს, ნიკოტინს, ალკოჰოლს ან  მედიკამენტებს ვიღებთ დასამშვიდებლად. ზუსტად ასე გამოიყურება დამოუკიდებლად ისეთი ფუნქციის შესრულების მცდელობა, რომელსაც ფსიქიკა ვეღარ უმკლავდება. ეფექტი, რა თქმა უნდა, ხანმოკლეა და ტვირთი კვლავ იზრდება. და გარკვეულ მომენტში, ვერც ძლიერი დამამშვიდებლები ვერ შეძლებენ მის შეკავებას.

9. კეთილდღეობის ფორმალური განცდის შენარჩუნება

შესაშური სამსახური, ჰარმონიული რომანტიკული ურთიერთობა და მაღალი სოციალური აქტივობა შეიძლება ჯანსაღ დონეზე დარჩეს მაშინაც კი, როდესაც ენერგიის ბოლო წვეთს ამოწურავთ. გარედან ცხოვრება საკმაოდ სტაბილური და მოწესრიგებული ჩანს, მაგრამ თქვენ ამით არ ცხოვრობთ, თქვენი შინაგანი სამყარო მუდმივ შფოთსა და ქარტეხილებშია, თქვენ უზარმაზარ რესუსრსს არასწორად ხარჯავთ - და ვის სჭირდება ეს?