არსებობს გამონათქვამი - არ არის საჭირო გყავდეთ უამრავი მეგობარი, გყავდეთ რამდენიმე, მაგრამ ისეთები, რომლებსაც ენდობით. ასაკის მატებასთან ერთად, ეს ფრაზა კიდევ უფრო მეტ მნიშვნელობას იძენს.

როდესაც 30 წლის ვხდებით, შეიძლება გარკვეული ცვლილებები შეეხოს კარიერას, სასიყვარულო ურთიერთობებს, ოჯახურ ცხოვრებას და ზოგჯერ შეიძლება უახლოესი მეგობრების წრეც გაიზარდოს.

გახსოვდეთ - ჭეშმარიტებაა, რომ ბედნიერებისთვის ათასობით მეგობარი ნამდვილად არ გჭირდებათ. გვერდით გჭირდებათ ადამიანები, რომლებიც არასოდეს მიგატოვებენ, რთულ პერიოდში თქვენთან ერთად იქნებიან, დაგეხმარიან გაუმკლავდეთ ცხოვრების სირთულეებს, ადამიანები, რომლებსაც ენდობით.

გთავაზობთ საუკეთესო მეგობრის მახასიათებლებს - სწორედ ასეთი ადამიანები უნდა გყავდეთ გვერდით:

1. მეგობრები, რომლებიც უფლებას გაძლევენ იყოთ ის, ვინც ხართ - უნდა იყოთ ადამიანებთან, რომლებსაც უყვარხართ ისეთები, როგორებიც ხართ - თქვენი უცნაურობებითა და სიგიჟეებით.

2. მეგობრები, რომლებიც გისმენენ, თანაგიგრძნობენ და პატიოსნები არიან - როდესაც მეგობარს ესაუბრებით, აუცილებლად გჭირდებათ, რომ მას ეს თვისებები ჰქონდეს. მოგისმინოთ, გაიტავისოსთქვენისიტუაცია, თანაგიგრძნონ და გულწრფელად გითხრათ საკუტარი აზრი.

3. ადამიანები, რომლებიც პოზიტიურ გავლენას ახდენენ - საუკეთესო ადამიანები თქვენ გარშემო გეხმარებიან იმაში, რომ გახდეთ უკეთესები, ისინი გაკრიტიკებენ როცა საჭიროა, მიგითითებენ შეცდომებზე და მხარს გიჭერენ ყოველთვის.

4. მეგობრები, რომლებიც ზედმიწევნით კარგად გიცნობენ - როცა 30-ის ხდებით, ეს ის დროა, როცა უკვე ზრდასრული და ჩამოყალიბებული ადამიანი ხართ, იცით ვინ ხართ და რა გსურთ. ამ დროს უნდა გვყავდეს გვერდით მეგობრები, რომლებსაც შეუძლიათ ჩვენი გაცინება, რომლებმაც იციან რის გაკეთებას მოაქვს ჩვენთვის სიამოვნება.