ტრადიციულად, საახალწლოდ წონაში დაკლება ყველა ქალისთვის დიდი გამოწვევაა. ბევრი ქალი ამ გამოწვევას მოთმინებით უმკლავდება, რათა მოგვიანებით საკუთარ თავს უფლება მისცეს, შეეშვას წონაზე ფიქრს, ყოველ შემთხვევაში, სადღესასწაულო სუფრაზე მაინც.

წონაში სწრაფი კლებისთვის რა თქმა უნდა, შეგიძლიათ „შიმშილის“ დიეტაზე დადგეთ, მაგრამ არ დაგავიწყდეთ, სადღესასწაულო საკითხებისთვის დრო და ენერგია რომ გჭირდებათ. მაშ, როგორ როგორ შეიძლება მოვემზადოთ საახალწლოდ და სწრაფად მოვიშოროთ ზედმეტი რამდენიმე კილოგრამი?

დიეტა და დეტოქსი

საიდუმლო არ არის, რომ სწორი კვება არის წონის ჯანსაღი კლების გასაღები, ამიტომ, პირველ რიგში, გადახედეთ კვების ჩვევებს. მთავარი წესი, რომელიც უნდა გვახსოვდეს არის ის, რომ ენერგორესურსები არ უნდა აღემატებოდეს ხარჯებს. ეს ნიშნავს, რომ თქვენ უნდა მიიღოთ იმაზე ნაკლები კალორია, ვიდრე თქვენი სხეული მოითხოვს.

ასევე, რაციონიდან უნდა ამოიღოთ შემდეგი პროდუქტები: რაფინირებული შაქარი, ფრუქტოზა, ლაქტოზა, ცხოველური ცხიმები.
უმჯობესია ტკბილი ხილი ჩაანაცვლოთ კენკრით და ციტრუსებით, ასევე აირჩიოთ დიეტური ხორცი, უარი თქვით ცხიმიან ხორცზე. მარხვის დღეებში უხვად მიირთვით ბოსტნეული, ის აჩქარებს მეტაბოლიზმს და დაგეხმარებათ ზედმეტი კილოგრამების სწრაფად მოცილებაში. არ დაგავიწყდეთ წყლის საჭირო რაოდენობით მიღება, ამის გარეშე, რაც არ უნდა ეცადოთ, სასურველ შედეგს ვერ მიიღებთ.

სხეულის მოდელირების პროცედურები

სწორად შერჩეული სპა პროცედურები ხელს უწყობს ცხიმოვანი ქსოვილის დაშლას. მნიშვნელოვანია, რომ მათ ჰქონდეთ ლიპოლიტიკური და ლიმფური დრენაჟის ეფექტი.

აგალითად, სამოდელო მასაჟი კარგი დახმარება იქნება იდეალური ფიგურის მიღწევაში. ეს კომბინაცია იძლევა ძლიერ სადრენაჟო ეფექტს, ის აძლიერებს სისხლძარღვებს, აუმჯობესებს კანის ტონს და კარგ ფორმას აძლევს სხეულს.



უკუჩვენებების არარსებობის შემთხვევაში განსაკუთრებით ეფექტურია კრიოთერაპია: კრიტიკულად დაბალ ტემპერატურას ორგანიზმი აღიქვამს, როგორც სიგნალს თერმოგენეზისთვის (სითბოს გამომუშავებისთვის) და ამისთვის იყენებს ცხიმოვან ქსოვილს, რის შედეგადაც იწვება ცხიმოვანი მასა და სხეული იცვლის ფორმას, შესაბამისად მცირდება გარშემოწერილობა, რაც გამხდარს გამოგაჩენთ.

სპორტი

კუნთების მასის ნაკლებობა წონის დაკლების დროს ერთ-ერთი ყველაზე გავრცელებული პრობლემაა. ადამიანები, რომლებიც წონაში კლებულობენ, ფიქრობენ, რომ რაც უფრო ბევრს ივარჯიშებენ დარბაზში და რაც უფრო ნაკლებს მიირთმევენ, მით უფრო სწრაფად დაიკლებენ წონაში. თუმცა, თუ სხეულს არ აქვს საკმარისი კუნთოვანი ბოჭკოები, ცხიმს უბრალოდ დასაწვავი რესურსი არ ექნება. ასეთი პრობლემის თავიდან ასაცილებლად საჭიროა ფიზიკური აქტივობის სწორად გადანაწილება: წონის დაკლებისას ძალიან კარგად მუშაობს კარდიო ვარჯიშები, ფეხით მინიმუმ 10000 ნაბიჯის გავლა, ასევე კარგია თუ ეწვევით აუზს ან დაკავდებით იოგით.

და ბოლოს, რაციონიდან სრულად ამოიღეთ ნახშირწყლები, უარი თქვით გაზიან სასმელებზე, მათ შორის შამპანურზე, გაამდიდრეთ თქვენი მენიუ ცილებით, უჯრედისით, შავი ჩაი კი სრულად ჩაანაცვლეთ მწვანე ჩაით, დროებით უარი თქვით ყავაზე და ძალიან მალე შედეგსაც მიიღებთ.

თქვენი არჩევანია როგორ გსურთ შეხვდეთ ახალი წლის ღამეს - იდეალურ ფორმაში და კარგ განწყობაზე თუ მოწყენილი და ზედმეტი კილოგრამებით დამძიმებული?